YPX ilə sürücü arasında dava - BAKU TV
Aktual xəbərlərimiz
• QARABAĞ XRONİKASI
• Playlist
• Playlist
Bakıda sürücü ilə dövlət yol polisi arasında insident baş verib. Sosial şəbəkələrdə sürətlə yayılan görüntüdən də görünür ki, polis sürücüdən avtomobildən düşməsini, tabesizlik göstərməməsini tələb edib. Hətta DYP əməkdaşlarından biri əlini avtomobilin pəncərəsindən içəri salıb. Bu zaman sürücü maşının pəncərəsini qaldırıb. Onun əli isə pəncərədə sıxışıb qalıb. Elə bundan sonra polis əməkdaşı emosialarını cilovlaya bilməyib.
Ekspertlər isə bildirirlər ki, ümumiyyətlə, polis əməkdaşının sürücü ilə kobud davranışı cəmiyyətdə birmənalı qarşılanmır. Polis tabesizlik göstərən sürücü ilə bağlı digər tədbirlər görə bilərdi.
Bakı Şəhər Dövlət Yol Polisi İdarəsindən də yayılan görüntülərə münasibət gecikməyib. Baş inspektor Araz Əsgərli bildirib ki, avtomobili idarə edən Səməndər Mehdiyev taksi fəaliyyəti ilə məşğuldur. Nəqliyyat vasitəsinin üzərində 3 ayı tamam olmuş cərimələrinə görə həbs qərarının olduğu ona izah edilib. Qeyd edilib ki, qanunun tələblərinə görə avtomobil duracağa aparılmalıdır. Sürücü əvvəl razılığını bildirib, daha sonra avtomobilə əyləşərək qapıları bağlayıb və həmin yerdən uzaqlaşmağa çalışıb.
Onun sözlərinə görə, bu zaman polis əməkdaşı əlini qapıya atıb, sürücü isə ayağı ilə onun əlini sıxıb və çəkiliş edib. Baş inspektor onu da əlavə edib ki, sürücü aidiyyəti üzrə ərazi polis bölməsinə aparılıb. Nizami Rayon Məhkəməsinin qərarı ilə polisin qanuni tələbinə tabe olmadığı üçün barəsində 10 sutka həbs qərarı çıxarılıb. Ancaq himayəsində azyaşlı olduğunu əsas tutaraq məhkəmə cəza növünün cərimə ilə dəyişdirilməsi barədə qərar verib.
Baku TV dünyanın hər yerindən ən aktual və mühüm xəbərləri yayımlayan xəbər agentliyidir. Öz məzmunumuzdan əlavə, müəllif hüququ ilə qorunan xarici məzmundan istifadə etməyimiz kommersiya məqsədi daşımır.
Sosial şəbəkələrimiz
/ www.baku.tv
/ bakutvofficial
/ bakutvofficial
t.me/bakutvxeber
www.baku.tv
© 2022 © All Rights Reserved ℗ Baku TV
#ypx #surucudava #news #yolpolisidaresi #bakutv #bakutvnews #xəbərlər
21 сен 2022
