Yu’i Kòrsou mi ta 🇨🇼
Subscribe to my RU-vid Channel!
Na aña 2014 mi a tuma e reto pa partisipá na e Festival Kantadó Mayó pa promé biaha,
i esaki tabata motibu i inspirashon di kual mi a partisipá ku e komposishon aki, kompositá pa mi persona, Charcel Lak & Eric Jacobino. Awe mi ta dokumentá esaki komo un eksperensia uniko i sentido di patriotisimo ku mi kier a komparti ku hundu henter komo un yu di Kòrsou.
Arranger: Elbert Jozefa
Mixing & Mastering: Raimy Jonathan Juliet
Producer: Reuben van Lierop, Elbert Jozefa
Songwriters: Reuben van Lierop, Charcel Lak & Eric Jacobino
Recording Engineers: Reuben van Lierop, Raimy Jonathan Juliet
Recorded at: Zion Recording Studios
Album Art Cover: Nathan Senchi
Musicians
Royston Hato - Vocals
Rhazul Sebelon - Kuarta
Abiezer Hernandez - Kachu
Gesilene Kerindongo - Kachu
Sorayda Sint Jacobs - Vocals
Rayson Rosalia - Barí & Chapi
Elbert Jozefa: Bass, Keys & More
Special Thanks to Everyone Who made this project posibel! 🫶🙏🤗
🇨🇼
#YuiKòrsoumita #ReubenvanLierop #seú #YDK #Curacao #kultura
Yu'i Kòrsou mi ta - Lyrics
Koro: Orguyoso mi ta, di ta yu di Kòrsou
Orguyoso di un pais rondoná pa awa blou (2X)
Kuplèt 1
M'a nase riba un isla, isla bendishoná
ku tin e solo den su bandera, union riba su tera
nos grandi nan a planta, pa awe nos kosechá
tur e bon fruta nan di ántes ku nos tin ku konservá
Koro: Orguyoso mi ta, di ta yu di Kòrsou
Orguyoso di un pais rondoná pa awa blou (2x)
Kuplèt 2
Weganan di ántes, kumindanan krioyo
flora, founa, laman, naturalesa, bèrdè bèrdè
multitalentoso, historia i kultura
balornan di nos pais, duru ankrá den su rais
Koro: Orguyoso mi ta, di ta yu di Kòrsou
Orguyoso di un pais rondoná pa awa blou
(2x)
Kuplèt 3
Nos tin un kultura riku, ku nos pueblo a heredá
nos tin un identidat ku ningun pais no por igualá
no tin un pais na mundu, e paisano komo su yu
ku orguyo nos so por bisa, ta yu'i Kòrsou nos ta
Koro: mi dushi Kòrsou (3x)
Kaminda m'a nase
kaminda m'a krese
kaminda mi lombrishi ta derá
Koro: Ta yu Kòrsou mi ta 4x
Un tin kuent'i pretu un tin kuent'i blanku
Laga nos ban traha pa Kòrsou por progresá
Mangasina di historia ta yen te bash'afó
i na unda ku mi ta, bo nòmber lo ta mentá
Koro: Yu'i Kòrsou mi ta - 4x Harmonia
Koro: Yu'i Kòrsou mi ta - ku pregon
Pregon:
Orguyoso mi ta, di ta un bon yu’i Kòrsou
Halsa mi bandera, manera un bon yu di tera
Mi ta yama Dios danki, el a bendishonámi
Bendishoná, bendishoná
stima mi ruman, mi 'n por lag'é kai
biba ku mi bisiña, den pas i harmonia
Laga kueru ronka, laga chapi toka
Laga kueru ronka, laga chapi toka
Sali for di kunuku, subi riba kaya
Ban nos tur, ban wapa - laga nos ban wapa awe
(ban pariba)
koro: Wapeeeeee, wapa wapa wapa wapa
(ban pa bou)
koro: Wapeeeeee, wapa wapa wapa wapa
(ban patras)
koro: Wapeeeeee, wapa wapa wapa wapa
(ban dilanti)
Ku Dios mi dilanti, mi ta wapa bai dilanti
nada un stroba mi, pa mi wapa bai dilanti
esta dushi ta di ta yu di Kòrsou
orguyoso mi ta, di ta yu di Kòrsou
Mambo
Koro: Orguyoso mi ta, di ta yu di Kòrsou
Orguyoso di un pais rondoná pa awa blou
Final: Ku orguyo nos so por bisa, ta yu'i Kòrsou nos ta
20 сен 2024
