ZAHNA CHIBAI 

ZAHNA CHIBAI
(~Aphuak: H.Ginmuan)
Ngalliam zatam sing bang puk a
Sakluang chibang tuhna i gam
Anbang it vang kalsang tawite
Na lungtup gui tung hen
Itna zahna'n chibai kon buk
Sian huai'n tangbang na dam uh hiam?
Sian aw kem in lumbang sung in
Machiang hambang huai in
Septheih a dang tawl dan kidang
Heina dang zong lungtup dang lou
Tongsuah dang zong tong kup dang lou
Taptawng simthu dang lou
Ngalliam vontawi lunglau lou aw
Lungtup phulgua bang tawng lou aw
Gam in hon suang hon ngilh ngei lou
Nou' di'n na thum ung e
Heina peuh ah tatdan peuh ah
Sianmang phawk in sum bang bia aw
Heutu zah a thupiak zuih in
Zaitha man sang sak hi.