Zanahary Tahio Ny Tanindrazanay (FFPM 734) 

Salamo 65:7 « MAMPITSAHATRA NY FIROHONDROHON'NY ONJAN-DRANOMASINA IZY, SY NY FITABATABAN'NY FIRENENA. »
Fih. 734
Zanahary ô tahio
Ny tanindrazanay,
Handroso lalandava,
Handry fahizay.
Enga anie hanjaka ao
Ny saina mahay miray,
Dia ho tany sambatra
Ilay Madagasikaranay.
Ireo mpitondra anay
Arovy lalandava koa,
Tolory saina hendry,
Kinga sy mahay.
Ka ny marina anie no
Mba hanjaka ao tokoa,
Dia ho tany sambatra
Ilay Madagasikaranay.
Ny taranakay tahio
Ho vanona tokoa;
Ireo no solofo,
dimby rahatrizay.
Mba ho tena mahatoky,
feno fahendrena koa,
Dia ho tany sambatra
Ilay madagasikaranay.