Zaqatala rayon Məhkəməsi Ali Məhkəmənin qərarını heçə saydı - APA TV 

#APATV #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023
Zaqatala rayon Məhkəməsi Ali Məhkəmənin qərarını heçə saydı - APA TV
Zaqatala rayonunun Aşağı Tala kənd sakini Gülxar Mahmud qızı Zamanova 2007-ci ildə rayonun Göyəm kənd sakini Məmməd Soltan oğlu Məmmədovla ailə həyatı qurub. Gülxar və Məmməd evləndikdən sonra bir müddət Rusiya Federasiyasında çalışıb Göyəm Fərhad Bayramov adlı kəndin sakininin pay torpağında 4 otaq, mətbəx və hamamdan ibarət ev tikiblər. 2010-cu ildən ailə həmin evdə yaşasa da 2015-ci ildə ərlə-arvadın boşanması səbəbindən evdə Gülxar Zamanova azyaşlı uşaqları ilə yaşayıb. 2017-ci ildə isə torpaq sənəd əsasında sahibi mərhum Fərhad Bayramovun həyat yoldaşı Mehbarə Bayramovanın iştirakı ilə Balakən rayon Tülü kənd sakini Arif Soltanməcid oğlu Yüzbaşıyev adlı şəxsə satılıb.
Gülxar Zamanova 2021-ci ildə evdən qanunsuz olaraq çıxarılır. 2022-ci ilin yanvar ayında Zaqatala rayon məhkəməsinin hakimi Vüqar Məmmədov tərəfindən Gülxar Zamanovanın xeyrinə qərar qəbul edilir. Qərara əsasən Gülxar və iki azyaşlı övladı mübahisəli evə köçürülür və ona məxsus ev əşyaları həmin evə yerləşdirilir.
Qərardan narazı qalan Arif Yüzbaşıyevin məhkəməyə müraciətindən sonra rayon apellyasiya məhkəməsi və ali məhkəmənin qərarı Gülxar Zamanovanın xeyrinə olur. Məhkəmə icraçılarının iştirakı ilə Gülxar Zamanova və iki övladı 2023-cü ilin fevral ayının 2-si evə yerləşdirilir.
Bundan sonra torpağın yeni sahibi Arif Yüzbaşiyev Zaqatala rayon Məhkəməsinə özünə aid torpaq sahəsindəki Gülxar Zamanovanın yaşadığı 4 otaq, mətbəx və vanna otağından ibarət fərdi yaşayış evinin qanunsuz tikildiyini əsas gətirərək evin sökülməsi barədə müraciət edir.
2022-ci ilin yanvar ayında Gülxar Zamanovanın iki övladı ilə evə köçürülməsi barədə qərar çıxaran hakim Vüqar Məmmədov bu dəfə mart ayının 16-cı keçirilən məhkəmədə onların əleyhinə qərar çıxarıb. Məhkəmənin yekununda Gülxar Zamanova vaxtı ilə keçmiş əri Məmməd Məmmədovla birgə min bir əziyyətlə tikdikləri sənədsiz fərdi yaşayış evi üçün 4 500 manat kompensasiya ödənilməklə sökülməsi barədə qərar çıxarılır.
Adları çəkilən şəxslər, Gülxar Zamanovanın keçmiş əri Məmməd Məmmədov və xanımın keçmiş əri ilə əlbir olduğunu iddia etdiyi torpağın sahibi Arif Yüzbaşıyevlə əlaqə saxlamağa çalışsaq da bu mümkün olmadı.
Vətəndaşın üzləşdiyi vəziyyəti hüquqşünas Şamil Paşayev isə belə izah edir:
İndi iki övladı ilə küçələrdə qalmaq təhlükəsi ilə üzləşən Gülxar Zamanova yenidən Şəki Apellyasiya məhkəməsinə müraciət etmək qərarındadır.
Vüqar Heydərov, Əhməd Fərruxoğlu, APA TV
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: ru-vid.com...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv