Kelibdi Yor uyiga kelin poshsho ibo bilan kelibdi, Kuyov to‘ra yuragida shifo bilan kelibdi. Asta-asta qadam bosar, qutlug‘ bo‘lsin qadamlar, Hayo bilan, xirom aylab, humo bilan kelibdi. Kelibdi, kelibdi, humo bilan kelibdi, Kelibdi-yo, kelibdi, humo bilan kelibdi. To‘y oqshomi xonadonga nur taralib bir zumda, Go‘yo tunda quyosh chiqib, ziyo bilan kelibdi. Nazokati, chiroyi yoshligiga nur qo‘shib, Andisha-yu odob degan sarpo bilan kelibdi. Kelibdi, kelibdi, humo bilan kelibdi, Kelibdi-yo, kelibdi, humo bilan kelibdi. Uzukka ko‘z solgan misol kuyov bola yonida, Go‘yo kuyov Tohir bo‘lib, Zuhro bilan kelibdi. Sevgi baxtin ko‘z-ko‘z etar, ko‘z tegmasin baxtiga, Boshiga baxt qushi qo‘nib, humo bilan kelibdi. Kelibdi, kelibdi, humo bilan kelibdi, Kelibdi-yo, kelibdi, humo bilan kelibdi. Bu dargohdan ketmas bo‘lib kelgan bo‘lsin, e, Mo‘min, Yuragida ahdu paymon, vafo bilan kelibdi. Nazokati, chiroyi yoshligiga nur qo‘shib, Andisha-yu odob degan sarpo bilan kelibdi. Kelibdi, kelibdi, humo bilan kelibdi, Kelibdi-yo, kelibdi, humo bilan kelibdi