ANGELTEN AN AWMPUI Kum 2003 a Serampore a BD ka zir aṭang khan hobby atan sap hla mizo a leh hi ka ching ṭan a. Ka hla duhzawng leh min hneh tu hlate ka let ve ṭhin a. Chung zinga ka lung tileng leh ka duh ber te zinga mi chu Angels in the room The Ruppes ho hla a ni. Pro Pastor ka nih tirhin ka computer hard disk a chhia a, ka hla lo leh ve tawh te a bo vek a, ka ṭah a chhuak hle a ni. 2007 kum khan Zoramchhani album a a sak atan U Chhuante'an (Hauhnar Studio) let turin min rawn ngen a, ka computer a chhiat avangin a studio ah ring deuhvin a play a, phone aṭangin ka lo ngaithla a, tichuan Angelten an awmpui tih hla hi Mizo ṭawngin a lo awm ta a, Zoramchhanin mawi takin a sa ta a ni. Ka pa in min thihsan dawn khan he hla hi a tak takin a chang a. Damlo chau tak a nih hnu khan ṭum engemaw zah chu amah hruaitu tur angelte a hmu ṭhin a. A hlimin a lawm em em ṭhin a, Vanram thlen hlan a nghakhlel em em ṭhin. Tichuan, thlamuang takin, angelte awmpuina changin, a Pathian tawk turin Angelten an hruai ta a ni. Ka nau Ruata Royte, a damlo veleh a. A nat zual hnu hian amah lam tura lo kal angelte a hmu ṭhin a, Vanram a ngai em em ṭhin a ni. Ka nu hian he hla hi a phone ringtone ah a hmang a, ka pa thlanah pawh he hlathu bawk hi a ziahtir a. Kan inpui nghak, ka nau nupui, Ruata enkawltu ber Nutei hian tunhnaiah a saphla a ngaithla reng mai bawk a. Ni 14.2.2019 zing lam dar 4:30 khan a kutin min hui a, "U, ka bulah hian lo ding ve rawh, hei ani (amah awmpui reng ṭhin tu) pawhin min kuah reng hi" tiin a sawi a. A bulah ka ding a, tichuan ṭum nga vel Haleluia Amen tiin ring angreng takin a au va, "Lalpa chu fakin awm rawh se, Lalpa hi a lo ṭha ber mai" tiin a sawi a. Hemi hnu hian tui takin a mu a, amah awmpui rengtu, A Lalpa in a rawn tirh Angel chuan thlamuang taka awm turin a thlamuan a ni. Hei hi a ṭawng chhuah hnuhnung ber a ni ta a. Hemi hnu hi chuan na tuar hmel vawikhatmah a lantir leh tawh lova. A hnukchah thlengin thlamuang takin angelten an awmpui a, a Lalpa hnenah an hruai ta a ni. He hla hi kan chhungkaw tana Lalpa min pek a lo ni e. "Thlamuanin a awm Zinkawng tawp a zawh laiin Chhandamtu hmel duhawm hmu turin An hruai ta angel rualten. Thlamuanin a awm Lawmman hlu chu chang turin Lungngaih ṭah a bo tawh ang Angelten an awmpui si". Mate, Thlamuang taka kan Lalpa hnena i chawl hi kan va lawm em. Mahse, i tellova hun hman erawh kan va huphurh em!
A phuahtu pawh nilo a letlingtu te nunah ringawt pawh hetiang khawpa Lalpa'n a ropuina a puan chuan ...eng ang taka ropuiin nge a phuahtu nunah a inpuan ang le..!? Thihna chungchang chanchin ka hriatah (tawng mawilo nilo se)chuan a va thlamuanpuiawm tehreng em..!
2024- January ni 4- a ka nau ICU a engmah hre tawhlo bula ka awm laiin he hla hi ka thinlungah chiang takin a lo ri a, midang na tak tak karah ka play ngam silo. Cabinah ka ngaithla ....."Angelten ka nau chu awmpuiin an hruai ta". A ropui lutuk, he hla a lo awm leh Zoramchhanin thiam taka a lo sa hi a va lawmawm em! Mi tam takte hnemtu a ni zel ang.
Ka ngaithla ninglo, 2020/20/9/ka pasal min kalsan tur khan, a Mawi zia leh Amen ti chunga phun sep sep chungin min kalsan kha Ka thlir pui lo theilo, he hla hi nitin deuhthaw ka ngaithla thin. Ropui hi Ka va ti tak em. Zoramchhani kher hian a sa thiam bawk si a 🙏🙏🙏👍👍👍
Hemi version hi nalh ka ti ber mai, ka pa damloh lai khan ka ngaithla nasa a, ka pa kha Angel ten an awmpui a, a ṭawng theih chhung kha chu hlim hmel pu a nui sâng chung hian Pathian thu hi a sawi ṭhin a, doctor leh nurse tepon ka pu hmel hmuh hi anuam eee an ti ṭhin. Min kalsan hnu-a ka ngaihthlak hian ka pa min ngaihzual tir a, ka lung ati leng ṭhin. Hetih hunlai hian Zoramchhani ala naupan nen alo zaithian reuh êmai, tunah poh ala zaithiam reng mai. He hla Mizoṭawnga let tu hi ka fak em em bok e.
2018 khan ka u in min boral san a, a damlo kan tuma Mizoram pana ka kal mek laiin kawng lakah min lo boral san a, ram danga awm ka nih avangin zinkawng zawh a harsa hle, mahse he hla hian thihna in min nan lungngaih hrehawm lai khan min hnem a ni. A thih hma zan thumna velah khan ka mu hi muhil harh deuh ang hian ka awm a, ka u kha Lal Isua hovin, Angel ten a mutna khumah khan anlo kil liai hian ka lo hmu a, a hnuah anlo hruai dawn vang hi alo ni ngei a nih hi ka ti ta a.. A thi tih ka hriat khan he hla hi ka rilruah a awm ta ngat ngat..ka u thihna nen a inhmeh lutuk a, a thih cham leh a birthday alo thlen hian ka ngaihna ti zualtu hla a ni.. mahse Pathian hnenah a chawl ta ani chu thlamuang leh hahdamin. Lalpa hnenah awm tawh mahla kan ngai reng thin che aumapui, kan theihnghilh phal ngai lo vang che.. nakinah in kiangah kan lo la kal ve a nga, hlim takin kan inhmuh ngei kan beisei..❤️❤️❤️
Ka va duh reuh tak aw.... Zai hi chu thiam chiang a lawm voiin 14August 2018 thleng pawh hian ila thiam ber e. An thle no nghelh lai te khi ka duh tawp. Fimkhur takin tang zel rawh kan support reng che.
Thihna khuma ka nu a mutlai khan he hla hian ka inhnem thin. Lalpa hnena hruai mai turin ka nu kha Van Angel ten an nghak reng hian ka hre thin. Chuvangin he hla ho ka duh tawp theilo
,zoramchhani hi a tlin sarhu lai khan thla ka lakpui ve hman a,, a zaithiam zia hi a chuai dawn lovamg.. a cher cute hi chhawm tha leh se... a la upa vak silova... a cute theih zia kha ..ka ti mai mai
Ka u leh ka thiannu Mapuii min kalsan ta ka va han ngai thar tak em!!! min kalsan hma a, an tan Lalpa kan auh na kha chhan in kan awm ngei ang. Chhandamtu hmel an hmu ngei ang
Kum 2022 lamah pawh sap hla leh hei hi ka la ngaihthla tawn zak zak mai a ni e. Angelte awmpuina nena khawvel chhuahsan chu a thlamuanthlak dawn em mai
I zaithiam ziahi aw thiamtak ini i aw live pawh zaithiam em2 inina hian mizo hmeichhia zaithiam te pawn antluklo che ahlathu thabawksi asatu in thiam hlar2 insabawk nen thiam lutuk amen hmingchhiatna laneibawksilo
He hla thu hi kapa in he khawvel a chhuah san dawn a ,athu sawi minhruai tu tur an lo thleng tawh e,ka kal a hun e,min ngai dam mai teh u,atih nen a hla thu hi a in mil luluk ,a satu in thiam bawk si,ka ngaithla kham theilo
He hla thu hi a tak in kan chang a ni,Dt 14.8.2023 Sunday zan khan ka hmangaih ka Nû chuan Cancer hospital ah min kalsan a,zan Dar 1:28 am ah Nûi ver ver leh hahdam takin a rawngbawl sak thin hnen ah Angel ten an hruai ta❤❤❤
He hla hi ka nu damlo Kan enkawl chhung zawnga rilru a tap chunga ka ngaihthlak thin leh tun thlenga ka ngaihthlak min theih loh a ni. A satu hian a thiam bawk si.