ZULFIQAR JAFFRY | YA ABBAS YA ABBAS | NEW NAUHA 2020 / Jab hawaon me nami mehsoos ki Abbas ne 

YA ABBAS a.s #YaAbbasYaAbbas #ZulfiqarJaffry #SajjadiaSydney #Muharram2020 Mir Zulfiqar Ali Jaffry's new single "Ya Abbas, Ya Abbas" a humble attempt for the first time. Please like, subscribe and share. Thank you! / @zulfiqarjaffry
=========================================================
Nauha Write-up
=========================================================
Ya Abbas, Ya Abbas
Jab hawaon may nami mehsoos ki Abbas ne
Ehtiyatan saans rok li Abbas ne
Mauj-e-kausar sar uthakar dekhti hi reh gayi,
Itni oonchayi par rakh di tashnagi Abbas ne
Saja rakhi thi darya par ajab baarat pani ki
Bahut karte thay ashrare yazidi baat paani ki
Magar darya pe pahunchay thokare maari chale aaye,
Bata di Hazrat-e-Abbas ne auqaat paani ki
Ya Abbas, Ya Abbas
Ya Abbas, Ya Abbas
Jahan bhi paani-o-mashk-o-alam ki baat chali,
Ali ke laal ke qadmo tale furaat chali
Wafa-e-ishq-o-mohabbat ki kaianat chali,
Dua-e-Fatima Zahra bhi saat saat chali
Alam ke dam se hai ab tak hayaat paani ki,
Jari ki jeet hui aur maat paani ki
Ya Abbas, Ya Abbas
Ya Abbas, Ya Abbas
Wo ek mashk jo kausar samet kar nikli,
Labon pe apne samandar samet kar nikli
Tabassum-e-ali asghar samet kar nikli,
Jo ek zarb se laskhar samet kar nikli
Agar na kehti ye aab-e-hayaat paani ki,
Har ek nigaah se gir jaati zaat paani ki
Ya Abbas, Ya Abbas
Ya Abbas, Ya Abbas
Sakina bibi ke sadqe Ali ke laal salaam,
Jari saqi asad-e-sher-e-zuljalaal salaam
Wafa ki aakhri hadke mahay kamaal salaam,
Nahi hai dono jahaan may teri misaal salaam
Tere kate hue baazu nijaat paani ki,
Tere badan ka pasina zakaat paani ki
Ya Abbas, Ya Abbas
Ya Abbas, Ya Abbas
Himaayat-e-Shah-e-mazloom may fanaa Abbas,
Taba-o-jurrat-o-ghairat ki intehaa Abbas
Janaab-e-Zainab-e-bekas ka aasraa Abbas,
Lab-e-faraat-e-faqat tune ye likha Abbas
Hamari tashnalabi hai faraat paani ki,
Hayaat pyason ki thahri wafaat paani ki
Ya Abbas, Ya Abbas
Ya Abbas, Ya Abbas
Meri hayaat ka samaan Nasir-e-Shabbir,
Badalta rehta hai jo kaaianat ki taqdeer
Faraat-o-mashq-o-alam jiski hashr tak jaageer,
Mai aur ye teri tanzeem iske dar ke fakheer
Bahegi chashm-e-aza se faraat paani ki,
Chalegi majlis-o-matam may baat paani ki
Ya Abbas, Ya Abbas
Ya Abbas, Ya Abbas