ព្រះធម្មវិបស្សនា កេតុធម្មោ គ្រូសមាធិ និងវិបស្សនាកម្មដ្ឋាន ដ៏ល្បីល្បាញនៅព្រះរាជាណាចក្រកម្ពុជា និងបរទេស, ជារាជាគណៈថ្នាក់ចត្វា, អធិបតីពុទ្ធមណ្ឌល និងអគ្គនាយកវិបស្សនាធុរៈនៃព្រះរាជាណាចក្រកម្ពុជា។ ព្រះនាមកំណើតគឺ សំ ប៊ុនធឿន។

The late, renowned Samādhi and Vipassanā Buddhist Master Venerable Ketodhammo was born in Kampuchea (in English, Cambodia). His birth name is Som Bunthoeun. The venerable is a former Chair of the Buddhist Center and Director General of the Vipassanādhura Center of Cambodia.

តាមវិន័យរបស់ព្រះដ៏មានព្រះភាគ អ្នកបួសហើយមិនមានត្រកូលទេ។ ទោះជាសមាជិករាជវង្ស កសិករ ជាងកាត់សក់ ឈ្មួញ អ្នកសុំទាន គ្រូបង្រៀន មន្ដ្រីរាជការ ឬនិស្សិត​ ។ល។ ដល់ពេលកសាងព្រះផ្នួស ត្រូវលះបង់ចោលនូវនាមត្រកូល ហើយទទួលនូវព្រះនាមថ្មី​ ដែលព្រះឧបជ្ឈាយ៍ប្រគេន មិនត្រូវមានត្រកូលដែលឪពុកម្ដាយដាក់ឱ្យនោះទេ។ តំណែងព្រះធម្មវិបស្សនា របស់ព្រះតេជព្រះគុណជាការតែងតាំងរបស់ស្ថាប័នពុទ្ធសាសនានៅកម្ពុជា មិនមែនព្រះអង្គចេះតែដាក់ដោយព្រះអង្គនោះទេ ។ ព្រះអង្គបានបង្រៀននិងធ្វើសមាធិ និងវិបស្សនាកម្មដ្ឋានឱ្យល្បីល្បាញនៅទូទាំងព្រះរាជាណាចក្រ និងក្រៅប្រទេស។