Եվ արդ, դո՛ւ միայն Աստված երկնավոր, բարձրյալ, բարեգործ. Քոնն են զորությունն ու ներողությունը, Քոնն են բշկությունն ու առատությունը, Քոնն են պարգևներն ու շնորհները ձրի, Քոնն են քավությունն ու պաշտպանությունը, Քոնն են հնարքներն անիմանալի, Քոնն են հրաշքներն անգտնելի, Քոնն են չափերն անչափելի, Դո՛ւ ես սկիզբն ու վերջը: Սրտմտության խավարը երբեք չի ստվերում լույսը քո ողորմության, Քանզի լինելով ինքդ մտքից վեր` զերծ ես դու նաև որևէ ախտից: Պատկեր ես դու անպարագիր` անկշռելի որքանությամբ, Ո՛վ անչափություն փառաց լայնության, Անսահմանափակ ընդարձակություն հատու զորության, Անամփոփելի առավելություն, Անտկարանալի բարերարություն գթության: Դու մահվան ստվերն, ըստ մարգարեի, այգաբացի ես փոխում, Ինքնակամ իջար տարտարոսը դու` արգելվածների բանտն ստորերկրյա, Ուր աղոթքների դուռն անգամ փակ էր ամուր կողպեքով, Խլելով նրանից այնտեղ վտարված հոգիների կողոպուտը ողջ, Հաղթական խոսքիդ հրամայող սրով Սատակիչ մահվան կապը կտրեցիր Եվ փարատեցիր երկյուղը մեղքի: Դարձի՛ր այժըմ ինձ, որ տագնապում եմ տղմոտ իմ գուբի զնդանում խորունկ, Մեղքի շղթայով ամուր կապկապված Այսինքն` ուր այլևս անզոր էր աղաչանքը: Եվ բանսարկուի նետի սլաքով խոցված կարեվեր: Բ Դու Տեր բարերար, բացարձակ բարի, լո՜ւյս խավարի մեջ, Օրհնության դու գանձ, ողորմած, գթած, մարդասեր, կարող, Զորեղ, անապատում, անքնին, անճառ, Դու` հո՜ւյժ ձեռնհաս, ըստ սուրբ Հակոբի. Հնարավորություն միշտ դյուրապատրաստ` ամեն անհնար բաների դեպքում, Մեղքի խռիվներն սպառող կրա՛կ, Կիզանուտ ճաճանչ դու ընդհանրական և մեծախորհուրդ թափանցողությամբ: Հիշի՛ր ինձ, օրհնյալ, քո ողորմությամբ և ո՛չ ըստ իրավունքի, Ներողությամբ քո և ո՛չ պատժելով, Երկայնամտությամբ և ոչ թե հավաստի համոզվածությամբ: Եթե կամենաս կշռել ծանրությունն իմ մեղքերի, Արա՛ քաղցրությամբ քո մարդասերի և ո՛չ արդարությամբ. Քանզի ըստ առաջին պայմանի` շա՜տ են թեթև նրանք, Իսկ ըստ վերջինի` սաստիկ ծանրակիր: Գ Արդ, մոտեցիր ինձ, ո՜վ դու բարություն, Ինչպես բուժելու համար մոտեցար քո դեմ ելնողի ականջին, Մահվան խռովիչ հողմը հեռացրու մեղավորիցս, Որ հանգչի իմ մեջ խաղաղության մեծազոր Հոգիդ: Փա՜ռք քեզ ամենուր, ամեն բանի մեջ հավիտյանս. ամեն:
Առավոտ լուսո լույսի պես հստակ Հնչում է անմահ սուրբ-սուրբ պատարագ, Քո երգն է վսեմ առ Աստված հոսում, Մերթ աղոթք դառնում ու մերթ սաղմոսում։ Աստված է նյութեր քո ձայնը թել-թել, Ու մեր սրտերը տիրաբար դյութել, Դու մեր հավատի հնչեղ երգեհոն, Երկինք առաքված օվսաննա ու ձոն։ Հոգեհանգստի դու լույս երկնքում, Տեր ողորմեա մեր խաչակնքում, Դարերից եկող հոսող շարական, Դարեր գնացող օրոր մայրական։ Դու կոմիտասյան սուրբ ծիրանի ծառ, Հոգևոր երգի տիրամայր պայծառ, Առանց քո երգի մեր հոգին սին է, Ո՛վ երանելի սուրբ- սուրբ Լուսինե❤ Ռ. Դարբնեցի
Որդի կենդանի Աստծո, ամենաօրհնյալ, անքնին ծնունդ դու ահավոր Հոր, քեզ համար չկա ոչինչ անհնար ու անկարելի: Երբ ողորմությանդ փառքի անստվեր ճաճանչները ծագեն, կհալվեն մեղքերը, կհալածվեն դևերն ու կջնջվեն հանցանքները, կխզվեն կապանքները, կխորտակվեն շղթաները, կկենդանանան մեռյալները, կբուժվեն զարկվածները, և վերքերը կառողջանան: Կվերանան ապականությունները, տեղի կտան տխրությունլները, կնահանջեն հեծությունները, կփախչի խավարն ու մեգը կմեկնի, կցրվի մառախուղն ու մռայլը կփարատվի: Կսպառվի աղջամուղջը, կվերանա մութն ու գիշերը կանցնի, տագնապը կտարագրվի, կչքանան չարիքները, հուսահատությունները կհալածվեն, և կթագավորի քո ձեռքն ամենակարող, քավիչդ բոլորի: Դու չեկար կորցնելու մարդկանց հոգիներն, այլ ազատելու. Ներիր ինձ անթիվ չարիքներս` քո բազում ողորմությամբ, զի դու միայն ես երկնքում անճառ և երկրում` անզնին, գոյության տարրերի մեջ և աշխարհի բոլոր ծագերում, օրհնյալ ի բարձունս. և քեզ Հոր ու սուրբ Հոգուդ հետ` փառք հավիտյանս. Ամեն:
... Աստուա՜ծ հավիտենական, բարերար եւ ամենակալ, Ստեղծող լույսի եւ հորինող գիշերի, Դու կյանք` մահվան մէջ եւ լույս` խավարում, Հույս` սպասողների եւ համբերություն տարակուսյալների. Որ ամէնարվեստ քո իմաստությամբ ստվերը մահվան փոխում ես այգի, Աննվազ ծագում եւ անմայրամուտ արեգակ, Զի գիշերվա մութն անզոր է իսպառ քողարկել փառքը Քո Տերունական, Որին ծնրադրում են արարածներն ու երկրպագում` Երկնավորներն ու երկրավորներն եւ սանդարամետականները բոլոր: Դու լսում ես հեծեծանքները կապյալների, ունկնդրում խոնարհների աղոթքին Եւ ընդունում ես նրանց խնդրանքները, Աստուած իմ եւ թագաւոր իմ, կեանք իմ եւ ապավէն իմ, Հույս իմ եւ վստահություն իմ, Տէ՜ր Յիսուս Քրիստոս, Աստված բոլորի, Սրբերի սրտում հանգչող սո՛ւրբդ դու, Մխիթարություն վշտերի եւ քավարան մեղավորների, Որ գիտես ամէն ինչ` նրանց լինելուց առաջ: Ուղարկի՛ր պաշտպան զօրությունն աջիդ Եւ գիշերային երկյուղից ու չար դեւից ինձ փրկիր, Որպէսզի հիշատակը սոսկալի եւ սուրբ քո անվան Միշտ համբուրելով հոգուս շուրթերով` Ըղձական շնչով ապրեմ պահպանված բոլոր նրանց հետ, Որոնք անդադար ի բոլոր սրտէ քեզ են կանչում, Տէ՜ր: ... Եւ դրոշմից խաչի քո նշանի, Որ աստվածային արյամբդ ներկելով դու նորոգեցիր, Եւ մկրտելով մեզ որդեգրեցիր, Եւ նկարեցիր ու հօրինեցիր պատկերիդ փառքով,- Պարգեւներով այդ աստվածային թող ամօթահար լինի սատանան, Մեքենայությունները քանդվեն թող ու որոգայթները վերացվեն, Մարտնչողները պարտվեն թող որ, եւ թող չլինեն զէնքեր սայրասուր, Մշուշը ցնդի, մութը փարատվի, մառախուղն անցնի: Բազուկդ հովանի լինի թող եւ աջդ կնքի. Քանզի գթած ես դու եւ ողորմած, Եւ քո անունով են կոչվում ծառաներդ Եւ քեզ` Հօր ու սուրբ Հոգուդ հետ հավե՜րժ փառք, իշխանություն հավիտյաններից հավիտյանս. ամեն :
Հիսուս բարեգութ իմ փրկիչ,քո անունից խնդրում եմ մեր երկնային Հորից բժշկիր մեզ ,դու որ գիտես մեր մազերի համրանքը գիտես ինչ է պետք,ներիր մեզ մեղավորներիս:Փառք Հորը,Որդուն և Սուրբ Հոգուն:
ձեր. ձայնը. ավելինա. քան. երաժտությունը. հանեք. դուր. չի. գալի. լարված. է. պահում. հանեք. զզզվում. ենք. ձեր խոսքերը. հաճելի. է. խանգարումա երաժշտությունը. ավետարանի. երշտություն. չի հանեք գործ. առաքելոցը կա լսել չի լինում օօօօօօօօլավը չի լարված մի պահեք թողեք խոսքը լսենք
Կնիկ պաշտողները կնոջն են աղոթում, որ կնիկն էլ իրենց համար աղոթի 😂 Ինչ տհաճ են։ Աստված չէր լսում պիտի մեռելներին խնդրեին, ինչպես Սավուղ թագավորը արեց Սամուելի հոգին կանչելով և անիծվեց։ Կարծում են թե լավ բամ են անում։ Ինչպես Երեմիա մարգարեն ասաց, որ երկնքի թագուհի(ինչպես այստեղ նշվեց երկնավոր արքայուհի) պաշտողները կկործանվեն։ Դրա համար էլ հայ ազգը նման տխուր պատմություն ունեցավ այնքան կնիկ պաշտեցին։ Երեմիա 44"21 Չէ՞ որ այն խունկը, որ ծխում էինք Յուդայի քաղաքներումը եւ Երուսաղէմի փողոցներումը դուք եւ ձեր հայրերը, ձեր թագաւորներն ու ձեր իշխանները եւ երկրի ժողովուրդը յիշել է Տէրը եւ նորա միտքն են ընկել. 22 Եւ Տէրը չ'կարողացաւ այլ եւս համբերել ձեր գործերի չարութեան պատճառով՝ այն գարշութիւնների պատճառով, որ դուք արել էք, եւ ձեր երկիրը եղել է աւերակ, ամայի եւ նզովք առանց բնակչի, ինչպէս որ այսօր կայ։ 23 Որովհետեւ դուք խունկ ծխեցիք եւ մեղք գործեցիք Տիրոջ դէմ եւ չ'լսեցիք Տիրոջ ձայնին եւ նորա օրէնքովն եւ կանոններովը ու վկայութիւններովը չ'գնացիք. դորա համար ձեզ հանդիպել է այդ չարիքը, ինչպէս որ այսօր է։ 24 Եւ Երեմիան ասեց բոլոր ժողովրդին եւ բոլոր կանանցը. Լսեցէք Տիրոջ խօսքը, ով Եգիպտոսի երկրումը եղող բոլոր Յուդա. 25 Այսպէս է ասում Զօրաց Տէրը՝ Իսրայէլի Աստուածը ասելով. Դուք եւ ձեր կանայքը խօսեցիք ձեր բերանովը եւ ձեր ձեռքովը կատարեցիք՝ ասելով. Անպատճառ պէտք է կատարենք մեր ուխտերը որ ուխտել ենք՝ երկնքի թագուհիին խունկ ծխելու եւ նորան թափելու նուէրներ մատուցանելու համար. անշուշտ դուք կ'հաստատէք ձեր ուխտերը եւ պիտի կատարէք ձեր ուխտերը։ 26 Դորա համար լսեցէք Տիրոջ խօսքը, ով Եգիպտոսի երկրումը բնակող բոլոր Յուդա. Ահա ես երդում արի իմ մեծ անունովը, ասում է Տէրը, որ այլ եւս իմ անունը պիտի չ'կանչուի բոլոր Եգիպտոսի երկրումը ոչ մի մարդի բերանից, ասելով թէ Կենդանի է Տէր Եհովան։ 27 Ահա ես նորանց վերայ հսկում եմ 'ի չարն եւ ոչ թէ 'ի բարին, եւ նորանք պիտի սպառուին Եգիպտոսի երկրումը սրով եւ սովով մինչեւ որ վերջանան։"