معاي فورد تورس ٢٠١٣ من ١١ سنة عطل طرمبة المي على ١٨٠ الف عطل منظم البنزين على ٢٢٠ الف عطل دينمو الدركسيون على ٢٥٠ الف عطل مراوح الرديتر على ٣٠٠ الف كراسي مكينة على ٣٢٠ الف الخلاصة كل ١٥٠ الف غير جنزير الصدر و طرمبة مي و كراسي مكينة وجير والباقي سهل الان ماشية ٤٠٠ الف وما زال معاي ما افرط فيها سيارة كد
ماتكلمت عن موديل ٢٠١٧ وفوق الي تجي v4 سلندر تيربو بفيدكم عن تجربتي لها فتره طويله المميزات ١ اقل صرفيه بنزين واخف نفس من v6 ٢ اسهل صيانه قطع الاستهلاكيه مثل البواجي والخراطيش طرنمبة الماء خارجيه عكس v6 ٣ استجابة السياره افضل من v6 السلبيات ١ زيت القير يحترق بسرعه اذا بتركب حق الوكاله موتر كرفت وتحتاج برمجه قير بعد تغيير الزيت ٢ تحتاج ألغاء بلف الماء حق المبرد لان اذا خرب خلط زيت وماء ٣ تحتاج تنظيف بخاخات كل ٤٠ الف كيلو لتفادي التقطيع والكتمه ٤ يحتاج تنضيف التيربو لعمر اطول ٥ تركب مبرد قير خارجي وهاذي الي واجهتني والحمد لله انا احب اسوي صيانه ومنتظم ولا واجهة اعطال بالتيربو ابد ولا بالقير ولله الحمد وانصح كل من يشوف كلامي يسوي الصيانه الي ذكرتها واحرص على كل غسلة للسياره تركز على غسيل شبك الرديتر وسلامتكم
ماشالله عليك جبت كل المصايب اللي شفتها من ٢٠١٥ الى الان. انا امتلكها من ٨ سنوات وكلامك كله صح صح صح وكلها شفتها بالضبط. لكن فيه نقطه. بخصوص الحساس الفرامل الان وانا اكتب هذا التعليق هو خربان و فصلته والقير مايعشق الا بالضغط على مفتاح الطواري (قلعت الديكور وثبتت المفتاح بمفك😂) لكن للتوضيح اكثر الحساس نفسه سليم اللي في الصوره و سعره غالي لكن المشكله في كلبس سعره ١٢ ريال اللي يضغط الحساس ينكسر ويسقط فتولع لمبات الفرامل. #فيه نقطه ماتطرقت لها وهي عليها استدعاء من فورد..وصارت لي وهي انكسار القير، فقط كلبس ينكسر ويفجعك وهو مايسوى ريالين والوكيل صلحه لي بلاش. اذا انكسر يصير القير ينزل دي و يطلع بارك لكن مايعشق ولا ينزل دي فعليا يعني العصى تلعب بوش في يدك" وكحل مؤقت ممكن تفتح الكبوت تلاقي الواير حق القير سقط من مكانه، فقط رجعه و ثبته بأي رنق ضيق يحل محل الرنق البلاستيك اللي انكسر حتى تدخلها للوكيل.. انا استخدمتها وهو مكسور شهر افتح الكبوت و اثبت ويمشيني يوم يومين ويسقط وهكذا.. كنت صنعت رنق مقصوص من غطاء علبة سيليكون وحشرتها مكان الرنق. نسيت حاجه.. اقفال الابواب الاربعه تكسرت و غيرتهم ههههههههه بين كل باب والثاني شهرين وكأنهم متفقين بعد ٥ سنوات نتكسر😂😂😂 شكرا لكم.
الله يعطيك العافيه. انا حصلت تورس 2015 ماشي 9000كم فقط مخزن. دفع رباعي نص فل. هل تنصحوني اخذه مع العلم ان سعره غالي شوي افيدوني بارك الله فيكم وهل ال فع الرباعي ممتاز او علماً بانه كان ىعي 2015 مطلعه وكاله نص فل دفع امامي وكان بطل معي
صحيح واجهتني مشكلة الابواب على ممشى ١٣٤ الف والان حساس الفرامل على ممشى ١٣٨ الف ونتعات القير بطريق السفر اذا ارتفعت حرارة زيت القير تكون التعشيقات زي الضربة بنص السيارة
هي سياره ع الخط فيها ثبات وممتازه بس فيها مشاكل كل سنه لازم بطاريتين والمكينه ٦ سليندر بس كرسي واحد وكرسي قير واحد فوق وواحد تحت والمراوح كل سنه بتخرب منهم وحده الكبيره ولازم تغير الاثنين مع بعض
بكل صراحه انا بديت افقد الثقه في السيارات الصغيره تقريباً كلها. صراحه الامريكي يتحمل لكن يحتاج كل فتره تصلح حاجه المكينه فيه مايخرب بسرعه مثل الياباني والكوري اي حراره تضرب. رأيي الذي لن اتخلا عنه (هايلكس من٢٠٠٦-٢٠١٥) سياره لن تخذلك بكل شي قساوه مقبوله ولا غثى الورش
الفورد تورس واكسبلور اذا مشت 200 طوالي غير طرمبة مويه قبل تعدم عليك المكينه لا تنتظرها تخرب حدها من 180 الف الى 200 الف وتظرب معك وماهي ذيك التكلفه حول 1800 ريال او اقل ولا تنعدم عليك المكينه وتغيرها ب5000 الاف
جايكم سنة ٢٠٢٣ على كذا لازم تكون حريص منتبه وتترقب ودايم خايف ان تجيك أعطال مفاجئه وهم وغم وسهر بالليل ودايم مشغول بالصناعية وتعتذر عن الارتباطات والمناسبات وتأخذ اجازه وتحاول توفر مبالغ وتستلف وتكون حريص منتبه طوال السنه وتسوي جدول ووقت لتغيير الاستهلاكيات والصيانه يلعن ابو هيك شغله قسم بالله اني استخدمتها وكرهت نفسي كل شوي طالع لي شغله وكل شيء تحطه فيه خساره حتى البنزين والزيت
السلام عليكم ياخوان معي تورس موديل 2015 وقت امشي ع طريق ماهو نظيف تحس في تحت صوت او تسمي تحس في المطب قويه مادري طبعي هذي ماهي مريح زي المركيز في قصيه شوي
عندي فور تورس 15 معي له 6 سنوات ونص ماشي 300 تقريباً دوامي يبعد 100 كم واموره تمام قطاع غياره رخيص جداً غيرت طرمبت ما وبلف حرارة مروحة بعد ما ارتفعت الحرارة وكلفني تقريباً 2500 واموره تمام بس البنزين احس صرفيته عاليه احس الي عنده خبره في البنزين يعلمني
انا نتعت القير كانت قوية غيرت كرسي القير والحمد لله راحت وعندي مشكلة الطبلون يتشقق مكان كيس الهواء وصارت معاي مشكلة ملاحظة تغير زيت المحرك وغيرتها وما راحت فكيت البطارية خمس دقايق ورجعتها وراحت الحمد لله
لمبه المفك او اي لمبه تطلع اذا فيه مشكله بالمنظومه كامله الخاصه باللمبه فيه عشرات بل مئات الاسباب الي ممكن تطلع اللمبه مثلا لمبه المفك خاصه بمنظومه القير والمحرك وتوابعها ف اي خلل في احد الاجزاء بتطلع ف الجواب لسؤالك انه اذا كانت المشكلة سببها اتساخ البوابه ف راح تختفي. اذا سبب اللمبه شي ثاني ماراح تروح
