أهلا وسهلا ومرحبا ❤❤❤ صح كلامك كي تغيب الام الدار وتتفركت انا امي توفات ربي يرحمها ويرحم جميع موتى المسلمين رغم أنها خلاتنا اكل متزوجين بصح خلات فراغ كبير وحسرة في القلب ما يعلم بيها غير ربي كلش سامط خصوصا كي تلحق العطل .ساعات نتمنى لوكان يولي الزمان بيا لورى نقعد خدامة طول عمري على ابي وامي ومانعياش.ومن ذاك نشهد ونستغفر ومبقالي غير ندعيلهم بالرحمة والمغفرة 😢 اللهم ارحم ابي وامي وارزقهما الفردوس الأعلى من غير حساب ولا سابق عذاب 🤲
3 ملايين كي تقسميها للمطبخ يعني لازم يكون فيها الأكل فقط مواد غذائية و مواد تنظيف و كوسميتيك 10000دج للشهر و مصاريف يومية4000دج مثل خبز وحليب كل أسبوع 1000دج و الأسابيع الأربعة16000دج لي تشري منهم كل أسبوع4000 دج خضر وفواكه دجاج ولحم و أسماك الخ ....بالنسبة للفواتير والطوارئ للزوج و الادخار وباقي الشهر فالحصالة شراء لوازم البيت .... هدا تقسيم حقيقي لزمن الغلاء
التربية صعييييبة في هذا الوقت البنت ولا الولد،انا بنتي ماكانش حاجة عاونتني في تربيتها قد الدعاء لربي سبحانه هو اللي حفظهالي مالخلطة تاع الليسي ومنعها من بزاف كوارث الحمد لله وكنت اعطيتها الامان باش تحكيلي كلش مهما كان باش نقدر نجيريها كي تخرج تقرا،واليوم راهي تحضر للباكالوريا استعدادا للموسم المقبل وماعندها حتى صاحبة والتليفون كنت نعطيها من عندي وتحت مراقبة ديالي وزرعت فيها مراقبة الله وربطت اي حاجة ماشي مليحة تتحسر عليها ولا توقعلها بالابتعاد عن الله والصلاة وجاهدتها باش ولات تحافظ عليها في وقتها ،وكيما يقوللك حنا الوالدين الشي اللي نزرعوه في ذريتنا نجنوه غدوة طال الحال أو قصر،ونزرع في الخريف لنجني في الصيف وليس في نفس الموسم،لازم طول البال وبالنسبة لشغل الدار ولماعن تألمون كنت نداوس معاها تولطون طميت واشريت لافيسال وكي شافتني نقوللها هادي بنتي اللي ماجابتهاش كرشي ولات تغير وعرفت اني تجاهلتها رجعت غير بالشوية لانو المراهق عنيد في سلوكياته ومالازمش نوقفو الند للند معاه،المهم بالموعضة وسرد القصة مرة على مرة لفلانة وفلانة كيفاش صرالهم بدأت توعى والحمد لله الصابر ينال❤ وشكرا حبيبتي على الموضوع الرائع
صباح الخير صدقيني كل صباح نستناك شكرا على النصائح في ميزان حسناتك وربي يفرحك ببناتك انا تاني ام لأربعة بنات بنتي لكبيرة تتخرج هدا العام و الصغيرة هدا العام دات السنكيام وراني نحارب على جالهم زوجي متقاعد وانا نخدم والحمد لله خدمت كلش كانت عندي ف2 وبدلتها ف3 درت الدين ودرك الحمد لله خلصت متكلتش على شهريتي برك خدمت الشخشوخة و خيطت الحمد لله على النعمة لي عطاني ربي في يدي العزيمة و الإصرار ديري كلش وبناتي الحمد لله يمدو بيهم لمثل في التربية وربي يوفق كل امرأة
سلام قناة رائعة اسمها: حب العلم والمعرفة تربوية تعليمية للاولياء والتلاميذ طور المتوسط فيزيا ورضيات الرجاء الانضمام لها لتعم الفائدة وربي يوفق الجميع لما يحب و يرضى وشكرا. اختي من فضلك ثبتي لي التعليق فضلا وليس امرا😊😊😊
