الله الله علىك اختي حافظي على صحتك غير بالعقل هكا كنت كيما نتي كل حاجة تشعل شعيل وعلى قانيها اما الان راني نشوف غير بعينيا الصحة كي العولة لما نستحفظو عليها نلقاوها للأسف في الصغر نهمبرو ملهاذي لهاذي انا راني غير الخلطة تاع دداح رشي ومسحي لاتزرزيق لاهم يحزنون الحمد لله
سلام اختي شكرا علي لراكي تقدميه وربي يعطيك صحتك ويقدرك غير بشوي عليك صحة هي راس المال تهلي في روحك ولله مرات نعطو اكثر من جهدنا وركزي علي فطور صباح هو لمدلك طاقة خاصة زيت زيتون وتين مجفف وخبز شعير وربي يقدرك فعلا تقولهلي مميمتي لقلبه حار ولله ماينجم يريح لله يحفضك
سلام اختي نشفي على روحي كنت مع امي الله يرحمها تديني معاها لدار ماني والاعراس تاع العايلة وعاونها ونخدموا الشغل وحتى في دارنا كنت كي العودة درك كي تزوجت ملي ولدت اولادي وكبروا شوي وليت نمرض بزاف نشوف غير بالعين الله يرزقنا بالصحة ويحفضنا وليداتنا اشكركي على المجهودات االي تقديمهم والنصائح الذهبية شكرآ
ماشاء الله عليك ربي يقويك ويعطيك الصحة والعافية فيديو روعة وكلامك في الصميم نشفى على مرت خويا كانت تخدم مفتشة في التعليم هي وخويا كانت مسكينة تبكر توجد الغدا وتنقي دارها وتحط الفطور باه خويا ينوض يلقى كلش واجد يخرج يروح يخدم وهي تكمل تنقى ماعن الفطور وتلبس ولادها باه تحطهم عند المرأة لي تشدهملها في هذاك الوقت مكانتش الروضة وتروح تخدم ولازم تركب خطراه خدمتها بعيدة وكي تروح لازم تفوت على المارشي وليسوبيرات تقضي صوالحها وتفوت تجيب ولادها وتدخل للدار تبدا ديراكت في العشا مع المغرب باه يدخل خويا للدار خطراه يخدم في ولاية مجاورة ومع برد جبال القبايل مسكينة عضمها راح يتفتفت ضرك راهي متقاعدة ولادها راهم رجال الله يبارك تالمون كانت متهلية فيهم وخويا عندو خمس وستين سنة والله تحلفي غير عندو ربعين برك وهي الشعر شاب والعينين نقصو مولاتش تشوف مليح وصحتها ذابت تقولي عجوزة تفرتها في روحها هزت فوق راسها مسؤلية الراجل والمرأة وضرك راهو في كل قعدة يقوللها وليتي عجوزة وليتي شارف ننصح كل وحدة متقتلش روحها باه تبان شاطرة وقافزة كل حاجة تتخدم بالذكاء ماشي بالعضلات والله المستعان