«Սպիտակաձյունիկը և յոթ թզուկները». 2016 թ. հուլիսի 15-ին Տավուշի մարզային գրադարանի մանկական ընթերցասրահը նշեց իր ստեղծման մեկ տարին: Ընթերցասրահը բացվել է <<Գլոբալ Շեյփերս>> երիտասարդական հասարակական կազմակերպության կողմից` <<Հեքիաթ իմ գրադարանում>> նախագիծն իրականացնող <<Orange Արմենիա>> հիմնադրամի աջակցությամբ: Ընթերցասրահը երեխաներին հնարավորություն է տալիս իրենց ժամանակն անցկացնել ավելի ակտիվ, հետաքրքիր ու բովանդակալից: Այստեղ կազմակերպվում են տարաբնույթ միջոցառումներ` վիկտորինաներ, հանդեսներ, ինտելեկտուալ խաղեր, ինչպես նաև բեմադրվում են փոքրիկ ներկայացումներ: Այս անգամ փոքրիկ շնորհալիների ուժերով ներկայացվեց Գրիմ Եղբայրների <<Սպիտակաձյունիկը և յոթ թզուկները>> հեքիաթը: