Амыр-Санаа. 

Амыр-Санаа.
Сөзү, аялгазы Александр Саржат-оол.
Азия төвү чуртуңга
Амыр-Санаа кажан келир сен?
Дыңнап ханмас тоолдарда
Тыва чонга чагыгларың бе?
Аргавыста койгун кулаанда,
Арткан кара ими төнерге,
Демир куштар ужар апаарга,
Дедир кээр дээн даңгырааң шын бе?
Адап-сурап, кыйгырып тур бис!
Алгап, йөрээп алдаржыдар бис!
Арат чонуң катап эргип көр,
Амыр-Санаа!
Чиндилигниң көжээ дажында
Сиилбип бижээн сөзүн ёзугаар,
Аржаан суглар чидип, катпаанда
Аъдың мунгаш, чонуң эргип кел!
Хараган дег көвей малывыс
Хайыра чок төдер четтивис,
Халак-хилек чедип алдывыс,
Хайнактажып төнер четтивис!
Адап-сурап, кыйгырып тур бис!
Алгап, йөрээп алдаржыдар бис!
Арат чонуң катап эргип көр,
Амыр-Санаа!
Келир үе сайзыралынга
Кежегевис база кестивис.
Келин кыстар кижээ баргыже
Хевээр чоруур нүүрүн чидирди.
Тыва ханның читпезин күзээн
Дыңгылдайның кыйгызын дыңна!
Эрги, чараш чаңчыл шуут читпээн,
Эрте-дээре келгеш, дузала!
Адап-сурап, кыйгырып тур бис!
Алгап-йөрээп, алдаржыдар бис!
Арат чонуң катап эргип көр,
Амыр-Санаа!

Приколы