Отту кечип ойногон, Оюнга, ишке тойбогон. Оомал-төкмөл дүйнөнүн, Оош-кыйышын оңдогон. Ооргуп-баргып күч-кубат, Ооруу-сыркоо болбогон. Ошол кыргыз бий менен, Ойдолоктоп ойгоном. Кайырма: Эриндери бүлкүлдөп, Үкүлөрү үлпүлдөп. Кыздар бийлейт ийиктей, Ийиндери сүлкүлдөп. Карек күйгөн биликтей, Чарчаганды билишпей. Бийге дене жибитпей, Турган жигит жигитпи эй! Шамал менен жарышкан, Шам тилегин жагышкан. Шаан-шөөкөттүү кыргыз эл, Шаабайы аткан жарык таң. Шарактаган келин-кыз, Шайдоот жигит бери чык. Шай оогончо бийлейли, Шалкылдасын дене ысып. Кайырма: Бүткөн бойлор дүркүрөп, Жигит сүрү күркүрөп. Бийде кубат, күлкү көп, Бийле турбай мүңкүрөп. Бийле кары жаш дебей, Бийле кубат аз дебей. Бир келген бул өмүрдө, Бийлеп турган жакшы эмей
Менин кызыма 5жашында ушул ырга бийлеп мектеп боюнча популярная болгон. Анда кызым ноловойдо окуйт эле. Бир эжеси турмушка чыгып калып бий тартуу кылам деп бийлеген ресторанда да. Аябай сыймыктанам кызым Асеманын ырына бийлегенине. Азыр угуп алып да элестетип кеттим
