15 ақпан күні Ауған жерінен Кеңес әскерлерінің шығарылғанына 35 жыл толуына орай салтанатты шара мен мерекелік концерт өтті. Шараға аудан әкімдігі, Ауған соғысының ардагерлері, қорғаныс істері жөніндегі бөлімі, аудан орталығындағы мектеп директорлары, тәрбие ісінің меңгерушілері, алғашқы әскери дайындық пәні мұғалімдері, жоғары сынып оқушылары, БАҚ өкілдері қатысты. Мерекеге жиналғандар аудан орталығындағы Ауған соғысының ардагерлеріне арналған ескерткішке гүл шоқтарын қою рәсімімен басталды. Алғашқы құттықтау сөз, Үржар ауданы әкімінің орынбасары Біржан Қадырұлы Тұрлыбековке берілді. Кейін Ауған соғысы ардагерлеріне «Кеңес әскерінің Ауғанстаннан шығарылғанына 35 жыл» мерекелік медальді және Үржар ауданы әкімінің алғыс хаты табысталды. Үржар ауданы Ауған соғысы ардагерлерінің «Айбын» қоғамдық бірлестігінің төрағасы Ақжолтай Құдышұлы Арқабаевқа, Үржар ауданы қорғаныс істері жөніндегі бөлім бастығының міндетін уақытша атқарушы, майор Бауыржан Мырзабайұлы Шырынбековке құттықтау сөз беріледі.
Ауданымыздың азаматы, Елтай ауылының тумасы, қазіргі таңда Семей қаласының тұрғыны ауған соғысының ардагері Мұрат Тынысбекұлы Данияров өз атынан «Айбын» қоғамының ардагерлеріне құттықтау хатын жолдады.
Сонымен қатар, «Кеңес әскерінің Ауғанстаннан шығарылғанына 35 жыл» мерейтойына орай «Абай облысы Ауғанстандағы және жергілікті соғыстардың ардагерлері мен мүгедектері» қоғамдық бірлестігінің төрағасы Боранбай Оразбайұлы Бегатовтың алғыс хатымен ішкі саясат бөлімінің басшысы Бейсенов Елдос Жабайылұлы,
Үржар ауылдық округінің әкімі Щуцкий Виктор Васильевич марапатталды.Шараны аудандық мәдениет үйінің директоры Сатмұхамбетов Қанат Қасымұлы жүргізді. Мепекелік концерттік бағдарламада Дарын Шаяхметовтың жетекшілігімен "Көңіл толқыны" ұлттық аспаптар оркестрі, "Шабыт" би ансамблі, "Скиф" вокалды аспаптық ансамблі, мәдениет үйінің әншілері Нұрбол Черубаев, Еркін Калиев, Әліби Каниев және Айбек Тойчибеков, Айжан Нұрқасымова өнер көрсетті.
9 апр 2024
