РЕСПУБЛИКА КҮНІ МЕРЕКЕСІНЕ АРНАЛҒАН КОНЦЕРТ ӨТТІ
24 қазан күні Үржар аудандық мәдениет үйінде ҚР ұлттық мерекесі- Республика күніне арналған салтанатты жиын мен мерекелік концерт өтті.
Республика күніне арналған салтанатты жиында Үржар ауданы әкімінің міндетін атқарушы А.Ж.Башимбаев құттықтап, ауданның әлеуметтік - экономикалық, қоғамдық - саяси өміріне белсене қатынасып, өркендеуіне елеулі үлес қосып үлес қосып жүрген жерлестерімізге «Абырой» төсбелгісін, көп балалы аналарға "Күміс алқа" белгісін, Мақтау қағазы мен «Алғыс хатын» табыс етті. 2023 жылдың қорытындысы бойынша әр саланың "Жыл үздіктері" марапатталды.
Елтай ауылдық клубының меңгерушісі Гүлнар Төлемісова «Жыл мәдениет қызметкері» аталымының жеңімпазы атанды. Әріптесімізді шын жүректен құттықтаймыз!
Үржар ауданының өнерпаздарының ұйымдастырумен өткен мерекелік концертке
"Көңіл толқыны" халық аспаптар оркестрі (жетекшісі Д.Шаяхметов), "Сонар" би ансамблі (жетекшісі М.Камашева), "Шабыт" би ансамблі (жетекшісі Н.Анистратова), "Адамант" және "Ғұмыр" тобы, "Дарабоз" этнотобы (жетекшісі А.Тойшыбеков), "Сонар" ансамблінің жас әншілері (жетекшісі Ф.Төлегенова), Бақты ауылдық клубының бишілері қатысты. Үржар аудандық мәдениет үйінің әншілері Н.Черубаев, Р.Чүкенова, Г.Сатмұхамбетова, Т.Әлеш, А.Дүйсенов, Д.Аймұхамбетова, Ә.Қаниев, Е. Қайратұлы, А.Чулгауова мен балалар музыка мектебінің ұстазы Қ.Құрманханқызы өнер көрсетті.
Республика күніне арналған мәдени іс-шараны жоғары деңгейден ұйымдастырған аудандық мәдениет үйінің ұжымына алғысымды білдіремін.
Үржар ауданының барлық ауылдық мәдениет үйлері мен клубтарында ұлттық мерекеге арналған салтанатты шаралар жалғасын тапты.
1 ноя 2023
