1 маусым "Балалар күніне " орай, "Бота" қуыршақ театрының ұжымы 10 жылдық мерейтойына арналған "Ақ ботаның ақ тілегі" атты мерейтойлық ертегісін кішкентай көрермендердің назарына ұсынды. Ертегінің желісі бойынша басты кейіпкер Ақбота өзіне дос іздейді. Хикая барысында "Бота" қуыршақ театрының 10 жыл көлемінде қойылған спектаклдьдерінің үзінділері мен қейіпкерлері көрсетілді. Шараға келген бүлдіршіндермен ойындар ойнатылып, сыйлықтар таратылды. Ертегіге Серік Шәкенов, Айбек Сыдықов, Гүлдарай Абылханова, Людмила Шевцова, Толқын Әлеш, Бахтияр Чожиков, Зарина Мунисова, Елшат Қайратұлы- Торай, Назерке Тұяқбаева, Еркін Қалиев, Архат Мағауиянов қатысты.
1 маусым "Балалар күніне " орай, "Бота" қуыршақ театрының ұжымы 10 жылдық мерейтойына "Ақ ботаның ақ тілегі" атты мерейтойлық іс-шара өтті. Театр ұжымын аудан әкімінің орынбасары Б.Қ.Тұрлыбеков құттықтап, аудан әкімінің Алғыс хатын табыс етті.
Үржар аудандық үйінің «Бота» қуыршақ театры 2013 жылы құрылды. Театрдың негізін қалаған жетекшісі- Серік Тәңірбергенұлы Шакенов. Театрдың негізгі құрамында Абылханова Гүлдарай Сарқытбайқызы, Сыдыков Айбек Ғазизұлы, Шевцова Людмила Викторовна, Алеш Толқын. Аудандық мәдениет үйінің барлық артистері театрдың жоспарлы қойылымдарына ат салысады.
10 жылдың ішінде «Бота» қуыршақ театрының репертуары «Алладинның сиқырлы шамы», «Көңіл күзі» атты моно-спектакль, «Өжет қораз», «Үш апельсин» ертегісі, «Өткір мүйізді бұзау», «Мысық пен түлкі», «Шалқан», «Қызыл телпек», «Көжек пен шөжек», «Үш торапай», «Туған күн», «Аңдардың қыстағы», «Ақ құс туралы аңыз», «Қасқыр мен бұзау», «Түлкі мен мысық», «Жолда жүру ережелері» балаларға арналған ойын- танымдық қойылым, «Бауырсақ», «Маймылдың қулығы», «Дәрігер Айболиттің жаңа жылдық хикаясы» спектакльдерімен толықты.
1 маусым- Балаларды қорғау күні және жаңа жылдық шырша мерекелерінде, Алакөл жағалауында орналасқан «Үржарайым» балалар демалыс лагерінде театр өнерпаздары ойын-сауық бағдарламасын дайындап, балаларға мерекелік шара ұйымдастырады. Жыл сайын ауданымыздың ауылдарын аралап спектакль көрсету дәстүрге айналған.
Мерейтой құтты болсын әріптестер! Сахнаның ажарын келтіріп, кішкентай көрермендердің көңілінен шығып 10 бойы атқарған адал еңбектеріңіз үшін алғысымыз шексіз!
Еңбектеріңізге табыс, шалқар шабыт тілеймін!
Мерекелік қойылымды тамашалауға келген балалар мен ата-аналар ризашылықтарын білдірді.
Балалар мерекесі құтты болсын, аспанымыз ашық, балаларымыз бақытты болсын!
12 июн 2023
