Коомду кризистен алып чыгуучу тармак бул - кичи жана орто бизнес. Ал эми бизнесте ийгиликтин ачкычы бул - чыдамкайлык дейт биздин каарман жөнөкөйлүгү менен коомдо өзгөчөлөнгөн, ажарлуу айым, ишкер, Ош шаардык кеңешинин депутаты Гүлшаркан Култаева.
Ишмердигин жөнөкөй бухгалтердиктен баштаган айым, кыска аралыкта бизнесте, коомдук иштерде чоң иштерди жасаганга жетишкен.
Гүлшаркан Култаева Жалал абаддын Аксы районуна караштуу Ак-Суу айлынын Мазар бөлүмүндө жарык дүйнөгө келген. 1989- жылы орто мектепти бүтүрүп, 1990-1993 жылдары Оштогу Технологиялык техникумунун техник-технолог адистигин кызыл диплом менен аяктаган. Кийин Оштогу М. Адышев атындагы Ош Технологиялык Университетинин Экономика факультетин аяктап, «Бухгалтердик эсеп жана аудит» адистигене ээ болгон.
Каарманыбыз эмгек жолун 1996-жылы Оштогу Россия Акционердик Коммерциялык Банкында кассир-эксперт болуп баштаган. Кийин “Насип”, «Иркештам», «Шоро-Ош» жеке ишканаларында бухгалтер, “Мэгу”, «Искена», «Элет Ала Тоо» «Грант Гарант», « Мегатур Туристтик Агенствосунун” “Мир Групп” ишканаларынын директору. 2016 жылы Ош Шаардык Кенешине депутат болуп келген.
Спорт менен машыгып, сергек жашоо мүнөзүн алып жүрүү азыркы учурда ийгиликтүү инсандардын арасында адатка айланган көрүнүш болууда. Гүльшаркан айым йога жана фитнес менен көп жылдан бери машыгат.
22 авг 2024