Аптаның әр сәрсенбісі ұжымда ұлттық құндылықтарды насихаттауға ерекше басымдық беріледі. Қызметкерлер ұлттық нақышта киініп, орталық ішінде таңнан кешке дейін қазақтың күйі, жыр-термесі қосылып тұрады.
Бүгін де әдеттегідей «Анаға тағзым» ұжымын ұлттық сезімге бөлеген күн болды. Қызметкерлер өзара қол күрестіріп, бестас ойынын ойнап, сергіту сәтін ұйымдастырды. Әсіресе, қол күресі өте тартысты өтті. Шымырлық пен ептілік қабілеті сыналатын ұлттық ойында ерлер арасында орталықтың техник-электрик маманы Әлішер Мұратұлы мен волонтер Ердана Райханұлының күші тең түсіп, достық жеңді. Ал, әйелдер арасында орталық басшысының орынбасары Жанар Берікболқызына тең келер ешкім болмады. Сондай-ақ, ширақтық пен қырағылыққа баулитын бестас ойынында «Мирас» әжелер клубының жетекшісі Ақмарал Жұмағұлова үздік нәтиже көрсетіп, жеңімпаз атанды.
Осылайша, жарты сағаттық сергіту сәті ұжым қызметкерлерінің ауызбіршілігін арттырып, тың серпіліс сыйлады.
29 сен 2024