🔹Қазақ дәстүріндегі ең көп атқарылатын керемет дәстүрдің бірі «бата беру». «Баталы құл арымас, батасыз құл жарымас», «жаңбырменен жер көгерер, батаменен ел көгерер» деп қазақ халқы бекер айтпаған.
🔸Бата - жастарды жігерлендіріп, халқын құрметтеуге, елін - жерін қорғауға, білімді де білікті, өнерлі де өнегелі, ибалы да иманды, арлы да ақылды, адамгершілікті де әдепті, батыр да батыл, жетелі де жетілген салмақты азамат болуға баулиды.
🔹Сонымен қатар, бата жетімді жебеп, жесірді сүйеп, әлсізге көмек көрсетіп, үзілген үмітті жалғап, бірлікті бекемдеп, ел іргесінің берік болып, сыртқы жауды басындырмауға үндеп, азаматтарға жігер беріп отырған.
🔸Демек, «дәстүрдің озығы бар, тозығы бар» демекші көне заманнан қазіргі күнге дейін жалғасын тауып, тозбай, керісінше түрленіп келе жатқан «бата беру» дәстүрі уақытпен өзінің өміршеңдігін дәлелдеп отырғаны бекер емес.
5 окт 2024
