- «Тектіден текті туады, тектілік тұқым қуады», «ұяда не көрсең, ұшқанда соны ілерсің» деген даналық сөздер бекер айтылмаса керек.
Қазақ халқының шапса тұлпардың, ұшса сұңқардың қанаты талатын ұлан-ғайыр атырапқа, оның іші мен сырты толған игілікке ие болуы рухани мықтылығы мен жеті атадан жалғасқан тектіліктен екені белгілі.
Болашағын ойлаған қазақ халқы ұрпақ тәрбиесіне үлкен мән берген. Дүниеге келген сәбиді тәндік жағынан дамуды қамтамасыз етіп, өмір бойы рухани жағынан жетілдіріп, оны тұлға ретінде қалыптастырған.
Тәрбие бара-бара еңбексүйгіштікке, еңбексүйгіштік - игілікке, игілік - бақуаттылық пен рухани байлыққа, әрі қарай тектілікке алып келетінін атам заманнан білген.
Міне, тәрбиенің мәні мен мағынасы осыда. Тәрбие - тектіліктің кілті.
16 янв 2024