Қарындашпен керемет сурет салып, әдемі жазу жазуға болады. Онымен адамның да, хайуанның да суретін салуға болады. Сол сияқты, адамның да қолынан көп нәрсе келеді, жақсылық жасау да, жамандық та. Өмірде мүмкіндігінше тек пайдалы жазулар жазып, әдемі суреттер салатын қарындаштай болуға тырысу керек.
Қарындашпен қандай жазу жазса да, адам анда-санда кідіріп, оны ұштауға көңіл бөлуі керек. Ұштау қарындаштың “жанына” батса да, ұштағалған сайын ол одан әрі әдемі және анық жаза түседі. Адам да өмірінің әр кезеңінде қарындаш секілді тоқтап, өзін “ұштап” алуды әдетке айналдыру керек. Ол дегеніміз, өзінің білімін шыңдап, ойын дамытып немесе рухани байлығын молайтып, өзінің кемшіліктерімен жұмыс жасап, ғибрат алу. Сондай-ақ, басқа түскен кейбір қиындық пен сынақтарға сабыр сақтап, керісінше шыдамды болуды үйренуі керек, бұл адамды одан әрі күшейтеді.
Қарындаш қате бір нәрсе жазған кезде, оны өшіргішпен өшіруге мүмкіндік туғызады. Пенде өмірде қателік жіберіп алса, дер кезінде оны жөндеуге дағдылануы қажет. Қатені өшіріп, қайтадан дұрыс жаза білу ең дұрыс әрекет.
5 окт 2024
