Достар, сіздерге ыңғайлы болу үшін, www.enpf-otbasy.kz онлайн платформаcанда біржолғы зейнетақы төлемдерін жақын туысыңызға табыстау тәсілі бойынша нұсқаулық дайындадық.
Зейнетақы жинақтарының жеткіліктілік шегінен асқан бөлігін табыстауды жоспарламас бұрын, алдымен Отбасы банкінде арнайы шот ашу қажет (қаражатты табыстаушыға да, қабылдаушыға да).
Зейнетақы жинақтары тек жақын туыстар арасында табысталады.
Оларға келесі қарым қатынастағы туыстар жатады:
- ерлі-зайыптылар;
- ата-аналар;
- балалар;
- бала асырап алушылар/ - асырап алынғандар;
туған немесе әкелері/аналары бөлек аға-інілер мен әпке-сіңілілер;
- аталар/әжелер.
Банк сіздің жинақтарыңызды туысыңызға табыстау өтінімдеріңіздің 2 жұмыс күні ішінде қарайды, содан соң БЖЗҚ 5 жұмыс күні ішінде қажетті қаражатты Отбасы банкіндегі арнайы шотыңызға аударады.
Зейнетақы жинақтарыңызды - Отбасы банкінің тиімді бағдарламалары арқылы баспаналы болуға бастапқы жарна ретінде пайдалануыңызға болады.
Біржолғы зейнетақы төлемдерін алу бойынша онлайн-платформамен жұмыс істеу кезінде сізге nclayer сертификаттарын орнату қажет.
Сертификаттарды Pki.gov.kz сайтынан жүктеп алуға болады.
Зейнетақы жинақтарын алу бойынша барлық іс-шаралар тек компьютер немесе ноутбук арқылы ғана қолжетімді болатынын есте ұстаған жөн.
Сеніміңіз үшін, тұрғын үй мәселелерін шешудегі белсенділігіңіз үшін рахмет
28 янв 2021
