Бүтэн бичвэрийг унших: wp.me/p27nbX-2FE
Амжилтын Тарни номтой танилцах: www.AmjiltiinTarni.com
Укагийн 100 мянган фэнтэй холбогдох: www.Facebook.com/UkaTumur2
Instagram: www.Instagram.com
iTunes: itunes.apple.com/us/podcast/uka-t…d1034161465?mt=2
Подкаст сонсох: www.soundcloud.com/UkaTumur
Twitter: www.Twitter.com/UkaTumur
E-mail листэнд бүртгэгдэх: www.UkaTumur.com
Зорилгодоо хүрэх 4 арга
Та юу хүсч байна вэ? Ихэнх тохиолдолд хүн юунд дургүй вэ, юу хүсэхгүй байна вэ гэдгийг мэддэг мөртлөө яг юунд дуртай вэ, юу хүсээд байна вэ гэдгийг анхаарч үздэггүй. Тиймээс та яг одоо сууж байгаад амьдралдаа юу хүсч байна вэ гэдгээ тодорхойж, түүнийгээ зорилго болгон бичээрэй. Зорилгодоо хүрсэн байх эцсийн үр дүн ямар байх вэ гэдгийг бас тодорхой болгоорой. Тэгээд энэ зорилгоо өдрийн турш өөртөө сануулах газраа байрлуулж өөртөө чангаар уншихыг санал болгож байна. Өнөөдрийнхөө бичлэг дээр зорилгодоо хүрэхэд туслах 4 аргыг орууллаа.
Зорилгодоо хүрэх 4 арга
Зорилгодоо хүрэхийн тулд сониуч бай. Зорилгодоо хүрэхийн тулд түүнийхээ дагуу мэдэх боломжтой бүхнийг мэд, унших боломжтой бүхнийг унш, сонсох боломжтой бүхнийг сонс, суралцах боломжтой бүхнийг сур, уулзаж зөвлөгөө авах боломжтой бүх хүнтэй уулз, бололцоогоо бүрэн ашигла. Таны хүрэх хүсэлтэй амжилтыг аль хэдийн гаргачихсан хүн байна уу? Хичнээн хүн байна вэ? Бүгдэнтэй нь уулзаж зөвлөгөө авч, туршлагаас нь асуухыг хичээгээрэй. Тэд амжилтанд хүрэхийн тулд юу хийсэн гэдгийг нь асуугаарай. Та тэр хүнийг мэдэхгүй байсан ч хамаагүй сураглаж очоод уулзаарай. Асуухаас бүү эмээ. Ауусан хүн л хождог. Хамгийн муугаар бодоход тэд тантай уулзахгүй гэнэ. Хамгийн сайнаар бодоход тэд танд урам зориг өгч, амжилт гаргахад тань туслана. 10 хүнээс асуухад ядаж нэгэнтэй нь уулзах боломж гарч л таарна. Та өөрөө үзээрэй. Энэ арга бол хамгийн хямд бөгөөд үр дүнтэй арга байгаа юм шүү.
Зорилгодоо хүрэхийн тулд онцгой бай. Энэ нь юу гэсэн үг вэ гэвэл сурч мэдсэнээ хэрэгжүүлнэ гэсэн үг. Гэхдээ хэрэгжүүлэхдээ өөрийнхөөрөө хэрэгжүүлнэ гэсэн үг. Өөрийнхөө амьдралын хэв маяг, онцлог дээр тулгуурлан хэрэгжүүл. Сурч мэдсэнээс чинь танд тохирох нь юу байна түүнийг хий. Тохирохгүй байгаагий нь өөрийнхөө аргаар хийх гээд үз. Болохгүй байвал яавал танд тохирохоор байна вэ гэдгийг бодож үз. Хийж үз. Эрсдэл хийхээс бүү ай. Хамгийн муугаар бодоход та юу алдахаар байна. Хамгийн сайнаар бодоход танд ямар ашигтай байна вэ гэдгийг тооцоод үзээрэй. Тантай адилхан юм хийж байгаа хувь хүн байгууллагаас та юугаараа онцгой юм бэ гэдгээ тодорхойл. Тэдний хийж чадахгүй байгаа таны хийж чадах юм юу вэ гэдгийг тодорхойл. Ингэж чадвал та тэднээс онцгой байх болно.
Зорилгодоо хүрэхийн тулд туршлага суу. Тантай адил юм хийж байгаа хүмүүс ямар алдаа гаргаж байна вэ түүнээс нь суралцаж өөрийгөө сайжруул. Тэд чадаагүй учраас та чадахгүй гэсэн үг биш. Тэд алдаа гаргасан учраас та алдаа гаргана гэсэн үг биш. Өөрийнхөө алдаанаас суралцвал сайн хэрэг. Харин бусдын алдаанаас суралцвал бүүр сайн хэрэг. Хэрвээ өөрөө алдаа гаргасан бол тэгээд буугаад өгөх биш харин ч дараагийн удаа үзүүлээд өгнө гэдэг бодолтой байх хэрэгтэй. Туршлагатай туршлагагүй 2 хүний ялгаа юу вэ гэвэл туршлагагүй хүн бүтэлгүйтвэл "за больё, дэмий юм байна" гээд бууж өгөх магадлал нь өндөр байдаг. Харин туршлагатай хүн бол бүтэлгүйтсэн ч "өө, ийм юм байх. яаж ийж байгаад болгоно доо" гэдэг үүднээс ханддаг. Та хэр их туршлага сууна тэр хэмжээгээрээ амжилтанд хүрнэ.
Зорилгодоо хүрэхийн тулд эерэг бай. Саад тотгор харж байгаа хүн зөвхөн учрах бэрхшээлийг л олж хардаг. Өөртөө эргэлзэж байгаа хүн амжилт гаргаж чадахгүй. Сөрөг хүмүүсээр өөрийгөө хүрээлүүлж тэдний ярьж, хийж байгааг дэмжиж байгаа бол тэднээс нээх давахгүй нь ойлгомжтой. Тиймээс эерэг байж, өөртөө итгэх нь маш чухал.
Амжилтанд хүрэх хүсэл хүчтэй бол буцах зам үгүй. Өөртөө итгэж байгаа бол бүх юм боломжтой. Зорилгоо биелүүлэхэд хэн нэгэн танд саад болохыг бүү зөвшөөр. Өөрөө өөртөө ч бүү зөвшөөр.
Зорилгодоо хүрэх 4 арга -ын тухай та юу гэж бодож байна вэ? Та ямар арга хэрэглэдэг вэ? Энэ тухай танаас сонсох хүсэлтэй байгаа тул та доор сэтгэгдлээ үлдээгээрэй.
ХҮС. ХИЙ. ХҮР.
ТАНЫ АМЖИЛТЫН ТӨЛӨӨ
УКА ТӨМӨР
29 сен 2016
