Баласына тұмау тиіп ауырып қалса, бала жазылғанша сол отбасының берекесі кетеді. Ал, дамуы кешеуілдеп немесе психикалық дамуы тежелген баласы бар отбасылардың жағдайы нешік? Күніне екі сағат ұйықтайтын болмаса, мүлдем ұйықтамайтын бүлдіршінді бағу - отбасындағы өзге балалар түгілі, анасының өзіне ауыр. Осындай диагнозы бар балаларын үлпілдетіп бағып отырған аналарды шын мәнінде батыр деуге болады. Өйткені, олардың дәл қазір басынан өткеріп жатқан қиындығын өздерінен өзгенің түсінуі қиын. Тек бұл диагноздың әлегі дәрігерлерге мәлім.
Ал, елімізде дәл осындай сөйлеу және психикалық дамуы тежелген диагнозы бар балалар саны жыл санап артып барады. Бұл жайт дәрігерлерді де алаңдата бастады. Оның үстіне, елімізде мұндай балаларға тағайындалған мүгедектікті де алып тастаған. Бұл статус - оған берілетін 5-10 мың теңге пенсиясы үшін емес, балаларды портал арқылы комплексті түрде оңалту орталықтарында тегін емдете алу мүмкіндігі еді. Ал, баласының осы жағдайымен байланысты жұмыс істей алмайтын аналар, баласына керек кешенді түрдегі емге қайдан қаражат табады? Амалы қалмаған кей ата-ана баласына аутизм диагнозын қойғызуға қарсы емес. Ал, ақыл-есінің дамуы кешеуілдеп жатқан немесе тілі әлі шықпаған баланы бұл диагноз арқылы емдеу - үлкен қауіп, дейді дәрігерлер. Толығырақ келесі бейнематериалда.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
18 окт 2023