Изгаснат е големиот пожар што синоќа ја зафати депонијата Карста, но се уште тлее ѓубрето, поради што целиот регион е обвиткан во чад.
Пожарот, кој избувна синиќа околу 22 часот е ставен под контрола околу 3 часот по полноќ со помош на месното население, екипата на противпожарната екипа и вработените во ЈП „Чистота и зеленило“.
„Доколку не се мобилизиравме ќе изгореше целотот поле и ќе дојдеше до куќите во селата. Алармиравме уште пред три дена дека постои опасност пожарот да се прошири, но никој не не слушаше, ни велеа дека ситуацијата е под контрола. Сега состојбата е повеќе од алармантна, бидејќи се гушиме во густиот дим, и нема изгледи дека брзо ќе се изгасне“, вели Александар Илиевски, претседател на месната заедница на селото Пчиња.
Поради густиот чад месното население од селата Пчиња, Студена Бара и Бакв денеска го блокираа влезот на депонијата Краса, и не диозволија да се изнесува сметот од Куманово. Тие се револтирани затоа што никој од надлежните не дошол на ги посети во текот на ноќта, иако биле повикани од локалната самоуправа, советниците и политичарите. На терен излегла само техничката директорка Цветанка Ивановска.
17 июн 2024
