4-Сұрақ: Құлшылық деген не?
Жауабы: Құлшылық - Алла разы болатын, жақсы көретін сыртқы жəне ішкі сөздер мен іс-амалдар.
5-Сұрақ: Құлшылық қабыл болу үшін қандай шарттары бар?
Жауабы: Құлшылық қабыл болуының үш шарты бар, олар:
Біріншісі: Ықылас, Алла Тағала сөзінде: {Олар; ғибадатты, нағыз Аллаға шынайы ықыласпен орындаулары, намаз оқулары, зекет берулері үшін әмір етілген. Міне осы, тұп-тура дін} (Бәйна, 5).
Хадисте: "Шын мәнінде амалдар тек қана ниетке байланысты және расында, әрбір кісіге ниет еткені ғана тиесілі" (Хадисті Бухари мен Муслим жеткізген).
Басқа хадисте: «Аса игі әрі бәрінен жоғары Алла айтты: «Мен біреудің Өзіме серік болуына тіптен мұқтажсызбын. Сондықтан кімде-кім істеген амалында Менімен бірге өзгені серік етсе, Мен оны және серік қосуын жайына қалдырамын». (Хадисті Муслим жеткізген).
Екіншісі: Сүннетке сай болу, пайғамбар ﷺ хадисінде айтқан: «Кімде-кім біз бұйырмаған істі амалға асырған болса, ол қайтарылады» (Хадисті Муслим жеткізген).
Үшіншісі: Иман келтірген болу керек. Алла Тағала сөзінде: {Олардың сарып қылғандарын олардан қабыл болуына кедергі болған жағдай: тек Аллаға және Елшісіне кәпір болғандары...} (Тәубә, 54).
12 сен 2024
