БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Алматыда артық салмақтан арылу үшін ота жасатқан 47 жастағы әйел көз жұмды. Хирургиялық операциядан кейін Құралай Батырханованың жағдайы нашарлап, жекеменшік клиникада қайтыс болған. Марқұмның жақындары болған іске дәрігерлерді кінәлап отыр. Сөздерінше, медициналық мекемедегілер отаның соңы өлімге әкелуі мүмкін екенін ескертпеген. "Ота жасалған соң сол күні-ақ аяққа тұрады" деп сендірген көрінеді. Мәселенің анығын әріптесім Оразай Нұртайұлы анықтап келді.
Бұл 47 жастағы Құралай Батырханованың отаға дейінгі бірер күн бұрынғы жүзі. Туыстарының айтуынша, марқұм әрдайым осындай көңілді, ашық-жарқын мінезді болған. Ауру-сырқауды білмейтін дейді. Тек артық салмақтан арылып, салауатты өмір салтын ұстанғысы келген. Осылайша, Алматыдағы атағы жер жаратын жекеменшік клиникаға жүгініп, тәніндегі майды ота арқылы алдыруды жөн санапты. Ол үшін 2 миллион теңге де төлеген. Содан шілденің 5-і күні хирургиялық операция жасатуға кеткен екен.
СӘУЛЕТ БАТЫРХАН, Құралай Батырханованың Сіңілісі:
- Туған күніме жаңа Құралай болып келемін деп, қуанып сол операцияға кеткен еді. Мұғалім ғой. 27-сі жұмысқа шығамын, отадан кейін 10-15 күн күтініп, жұмысқа шығып кетемін деп ойлады. Бір күмән болған жоқ. Врачқа да күмәнданбадық. Отзывтарын қарасақ, Алматы бойынша "номер один" клиника екен.
Қуанышпен клиникаға кеткен әйел сол күні отадан кейін көз жұмған. Шілденің 8-і туған күнін атап өткісі келген марқұм қуанышына бір тәулік жетпей жер қойнына тапсырылды. Артында бүтін бір әулет зар жылап, 3 бала жетім қалды.
Қара жамылған отбасы жекеменшік клиника ота жайында толық мәлімет бермеді, операциядан кейін дұрыс күтім жасамады деп шағымдануда. Науқастың қайтыс болғаны да бірден хабарланбады дейді.
ГҮЛНӘР БАТЫРХАНОВА, Құралай Батырханованың Сіңілісі:
- Адамның миын улау ғой бұл. Неге олар оны айтпаған. Мұндай жағдай болады, "өліп қалуыңыз мүмкін" деп неге айтпайды?! Хотя бы 90 пайыздың 2 пайызында осындай жағдай ықтимал деп неге ескертпеген. Барлығына 100 пайыз сенімді болған. "Сізді операциядан кейін сағат 2-де жолдасыңыз алып кетеді" деген. Біз солай сендіргеннен кейін не ойлаймыз? Жеңіл ота деп ойладық. Расында ондай емес!
Туыстары одан бөлек, жекеменшік клиника қызметкерлерінің марқұмның денесін ескертусіз мәйітханаға салып жібергеніне наразы. Ал басы дауға қалған мекеменің бас дәрігері сүйекті мәйітханаға алып кеткенінен хабарсызбын дейді. Және өлімнің нақты себебі анықталмайынша оқиғаға қатысты ақпарат беруден бас тартты.
ДАНИЯР УРМУЗИН, "AMIRA" Пластикалық хирургия және косметология клиникасының бас дәрігері:
- Моральдық жауапкершілік менің мойнымда. Өйткені отаны жасаған да, сенім ұялатқан да мен. Өкінішке орай үмітті ақтамадым. Бұл жағдай маған да ауыр. Бұған дейін бізде адам өлімі болмаған. Науқасқа іш майын алып тастау отасы жасалған еді. Мен басымды алып қашпаймын. Өлімнің нақты себебі анықталсын. Әзірге бар айтарым осы.
ОРАЗАЙ НҰРТАЙҰЛЫ, тілші:
- Алматының полиция департаментінің хабарлауынша, бұл жайтқа қатысты қылмыстық іс қозғалған. Процессуалдық шешім, өлімнің себеп-салдарын анықтау мақсатында тағайындалған сот-медициналық сараптама қорытындысы шыққанда ғана белгілі болады. Марқұмның туыстары тергеудің әділ өтуін талап етуде.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
9 июл 2024