Биыл аймақтағы ауылдар түгелдей санитарлық автокөлікпен қамтылады. Медицина қызметкерлерінің кәсіби мерекесінде емханаларға санитарлық 50 автокөлік табысталды. Жыл ішінде тағы 150 автокөлік жеткізілмек. Сондай-ақ, жақын күндері қан орталығы пайдалануға беріледі. Бұл туралы медицина қызметкерлерінің кәсіби мерекесіне арналған салтанатты жиында айтылды. Тақырыпты тілшіміз Қозы Көрпеш Жасаралұлы тарқатады.
ҚОЗЫ КӨРПЕШ ЖАСАРАЛҰЛЫ - ТІЛШІ // Былтыр өңірдегі денсаулық сақтау ұйымдарына 25 санитарлық автокөлік табысталған болатын. Бұл бағыттағы жұмыс биыл да жалғасады. жыл ішінде 200 автокөлік сатып алу жоспарланған. Соның алғашқы медицина қызметкерлерінің кәсіби мерекесінде ел кәдесіне берілді.
Бүгінде өңірде 300-ге жуық медициналық нысан бар. Соның 250-і ауылдық жерлерде орналасқан. Оларды санитарлық автокөлікпен қамту мәселесі жыл ішінде шешімін таппақ.
ОЛЖАС ИСКАКОВ - ОБЛЫСТЫҚ ДЕНСАУЛЫҚ САҚТАУ БАСҚАРМАСЫНЫҢ БАСШЫСЫ //Әрбір елді мекенде жаңа автокөлік болады. Осы 200 санитарлық автокөлікпен облыстағы автокөлікке деген қажеттілікті түгелдей жабатын боламыз. +00:30-/ Бұл дегеніміз халыққа көрсетілетін медициналық көмектің қолжетімділігін арттырады дегеніміз. Бұл санитарлық көліктер негізінен емханаларға беріледі. Ауылдық жердегі дәрігерлік амбулаторияларымызға беріледі.
Бүгінде денсаулық сақтау саласына бағытталған қаржы көлемі 140 млрд теңгеден асты. Нәтижесінде, денсаулық сақтау ұйымдарының материалдық базасы нығайып, халыққа медициналық қызмет қолжетімді бола түсті. Бір қуанарлығы, өңірде сәби өлімі 13 пайызға, қан айналым жүйесінің ауруынан болатын өлім-жітім 17 пайызға, қатерлі ісіктерден болатын өлім-жітім 4,7 пайызға төмендеген. Мереке мезіретінде аймақ басшысы ұлт саулығы жолында аянбай еңбек етіп жатқан ақ халаттыларға алғысын жеткізді.
НҰРЛЫБЕК НӘЛІБАЕВ - ОБЛЫС ӘКІМІ // Халықтың денсаулығының түзеліп, ел азаматтарының өмір сүру сапасының артуы дертке ұшыраған адамдарға күрделі ота жасалып, өмірге екінші рет келгендей әсерде болуы бұл денсаулық сақшыларының зор еңбегінің жемісі.
Сыр медицинасында серпін бар. Қазір жер-жерде медициналық нысандар салынып, ел үшін есік ашып жатыр. Жақын күндері облыстық Қан орталығы пайдалануға берілмек. Мамандардың кәсіби біліктілігін арттыру жайы да назардан тыс қалған емес. Биыл 10 реаниматолог және 5 кардиолог маман Түркия елінде білім жетілдірді. Мұның барлығы халық денсаулығын нығайтуға бағытталған жобалар. Салтанатты жиында солардың бірқатар салалық министрліктің, облыс әкімінің алғыс хатын иеленді.
ҚЫМБАТ ТӘЖИЕВА - АКУШЕР-ГИНЕКОЛОГ ДӘРІГЕР // 1981 жылден бері Арал аудандық перзентханада бір жерде 43 жыл қызмет еттім. Аман есен 10 мыңнан астам баланы дүниеге келтірдім. Өзімді бақытты санаймын. Ана мен бала денсаулығын жақсарту бағытында біраз жұмыс істеліп жатыр. соның арқасында дүниеге сау анадан сау бала дүниеге келеді деген девизбен жұмыс істеп жатырмыз.
БАҚЫТЖАН ТАЙМАНОВ - АНЕСТЕЗИОЛОГ-РЕАНИМАТОЛОГ ДӘРІГЕР // Науқастарыңыз аман-есен ауруханадан шығып, отбасына қосылып, әрі қарай қызықты өмір сүргені біз үшін бақыт деп санаймын.
Бүгінде 3 мыңдай дәрігер, 11 мыңнан аса орта буын маманы аймақ халқына қызмет атқарып жатыр. Салтанатты шара соңы сырбойылық өнерпаздардың мерекелік концертіне ұласты.
Сайт - qyzylordatv.kz...
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv
23 сен 2024
