Мұхтар Шаханов-Махаббаттың жазылмаған заңы 

Махаббаттың жазылмаған заңы
Жол бұралаң, сезім тура, oй тура,
Жол түскен соң болмас кейін қайтуға.
Сүйген адам сезімі үшін бақытты,
Болмайды оны бақытсыз деп айтуға.
Бұл жайлы көп мұңдаудың не орны бар,
Жандар да бар пәк сезімді қор қылар.
Махаббатты үйлену деп ойлайды
Құдіреттің құнын білмес сорлылар.
Аз ба өмірде жылап жүріп күлгендер,
Құр күлкінің қасіретін білгендер.
Ойлашы өзің, аз ба мынау әлемде
Сүймей, сенбей тағдыр қосып жүргендер.
Өмір солай, күйзеліс көп, жұлқыс көп,
Болсын, мейлі, дінің түзу, тұрмыс тоқ,
Сүймей, сенбей тағдыр қоссаң біреумен,
Махаббатта бұдан асқан қылмыс жоқ.
Авторы: Мұхтар Шаханов
Оқыған: Ай-керім Әбілхатқызы
#поэзия #поэзияменіңжүрегімде #қазақшапоэзия #МұхтарШаханов #Махаббаттыңжазылмағанзаңы #подпишись #подпишисьнамойканал #подпишисьипоставьлайк #ВидеоПОЭЗИЯ