МӘҢГІЛІК ҚАРЫЗДАРМЫН, АНА САҒАН!
Сөзі мен сазы: Қуантқан Ырзаұлы
1.Көретін есейсем де баладайын,
О, менің жаны дарқан маматайым.
Бірінші жанашырым сен деп білем,
Ешкімді мен өзіңе баламаймын.
ҚАЙЫРМАСЫ:
Айналдым, ана, сенің пейіліңнен,
Нәр алам өзіңдегі мейірімнен.
Қызықтап ұл-қызыңды жүре берші,
Күндерің өтсін дәйім сүйінумен.
2.Ұмытпан өнегелі сөздеріңді,
Мен үшін қиындыққа төзгеніңді.
Анажан, кешіре гөр, кешіре гөр,
Көңіліңе кірбің салған кездерімді.
3.Жабықсам, мұңымды мен саған шағам,
Құптауың ең жоғарғы баға маған.
Не құрмет көрсетсем де артық емес,
Мәңгілік қарыздармын, ана, саған.
6 май 2024
