Ассаламу алайкум ва рохматуллохи ва барокатуху. Оламларни яратган мехрибон ва рахмли Аллох Таолога ўзининг салтанати буюклигича хамду санолар айтаман. Икки олам сарвари, сарвари коинот, Аллохнинг суюкли дўсти, элчиси пайгамбарлар саййиди, биз осий бандаларнинг шафоатчиси хазрати Мухаммад соллаллоху алайхи васалламга чексиз саловот саломлар бўлсин.
Бу мактубни ёзишга киришдиму тушундимки камчиликсиз бўлмас экан Расулуллохдек зотни сифатлаш мен осийни акли билан битмас дунёнинг қаламу қоғозига хам сиғмасдек. Ичимдаги мухаббат эса қандай тошиб чиқишни билммай турган бир паллада қароғимга ёш келди. Ота Онам сизга фидо бўлсин ё Расулуллох мени умматим дейсизми, сахобаларга охир замонда келадиган мени кўрмай иймон келтирган ва менга эргашган умматларимни соғиндим деб айтган умматларингиз қаторида бўлишга гарчи лойиқ бўлмасам хам шафоатингиздан умидворман. Сизни кўришга муштоқ бу кўзимдан ёш тўхтамаса хам йиғлаб кўзлари кўрмай қолган Яъқуб а.с.ни кўзларидек кўрмай қолсам хам армон қилмайман. Жоним фидо бўлсин сизга ё Расулуллох бир кўришга дунёларни берсам хам оз.
Бизга рисолатни етказиш учун чеккан азиятларингизни ўйласам жигарим ёнар, қанийди ўша пайт ёнингизда бўлсаму сизга отилган тошларга ўзимни тутсам. Танда иссиқ жонимдан хам азиз бўлган ё ХабибАллох хусни хулқингизни оламга ўрнак қилган Роббим қалбдаги мухаббатим янада жўшишига, сиз кўрсатган йўлдан юришимга, тавфиқ ва хидоят берсин. Тилимни эса доим ўзини зикри билан сизга саловот айтиш билан банд бўлиши учун нусрат ато этсин. Валхамду лиллахи роббил аъламийн вассолату вассаламу ала Мухаммадин ва ала алихи ва асхабихи ажмаъийн.
Ziyouddin (ISLAM&DUNYO)
14 окт 2024
