Бүгүн Түүлээх нэһилиэгин тэрилтэлэрин эр дьоно муус ылыытыгар күрэхтэстилэр. Балаһыанньа быһыытынан, тэрилтэлэртэн үстүү киһи кытынна. Эрдэ тыырыллыбыт сирдэринэн биэс хамаанда жеребьевкалаһан миэстэлэрин булан турдулар.
"Саҕаланна-аа!" диэн хаһыыны кытта араас эрбии тэҥинэн үлэлээн киирэн бардылар. Күрэхтэһии 40-ча мүнүүтэтин устата араас моһуохтар да баар буоллулар, ол курдук уонча мууһу ылаат оскуола хамаандатын "дружбата" сыаба алдьанан "аккаас" биэрдэ. Эр дьон ууларыгар-хаардарыгар киирэн муус ылан тигинэччи үлэлии сырыттахтарына "бириэмэ!" диэн буолла, онтон мээрэйдээһин, ааҕыы саҕаланна.
Подробнее: xn--80aahjj1a2...--p1ai/article/77293
30 сен 2024
