Армысың, қадірлі әлеумет!
«Тағамсаулық» каналымның бүгінгі бағдарламасы өзіммен бірге ұзақ жылдар иық тіресіп, қатар жүрген досым, академик Салық Зимановқа арналып отыр. Нар тұлғамызды еске алып, жылы естеліктерімізбен бөлістік.
Академик Зиманов - Сәтбаевтың көзі тірісінде ұлт ардақтысы ретінде бір қатарға ілінген сирек жандардың бірі. Еңбегімен, дарынымен еліміздің ары мен даңқын асқақатты. Ел тағдырының елеулі мәселелерін шешудегі қызметінің маңыздылығы жөнінде онымен тайталасқа түсер ғалым табылмас. Бұл - тек Зиманов атты құбылысқа тән қасиет пен дәреже.
Бағдарламаға арнайылап шақырған қонағым - «Зимановтанушы», белгілі заңгер-жазушы, криминолог, заң ғылымдарының докторы, профессор, академик, қоғам қайраткері Есберген Алауханов.
Зимановтың шәкірті Есберген жастарға құқықтық тәлім-тәрбие беруде көп жұмыс атқарып жүрген азамат, оның оқулықтары Санкт-Петербург, Мәскеу қалаларында жарияланып оқу процестеріне пайдаланып келеді. Өзі ұлтжанды қайраткер.
23 авг 2024
