ЗИНДАГИНОМАИ ҒАМАНГЕЗИ ЯК ШАҲИДИ 22-СОЛА
Қаҳрамон, ҷасур, паҳлавон ва як ҷавони хушсурату хушахлоқу ширинсухан. Шиори ӯ дар зиндагӣ “Хизмат ба Ватан” буд! Ӯ ҳамеша бо Ватан буд ва бо Ватан содиқ монд.
Қаҳрамони имрӯзаи мо ҷавонест, ки зиндагиномаи пур аз дарду аламро дорад. Мо бояд ӯро бишносем ва ба дигарон ҳамчун улгу бишносонем! Ӯ ҳамагӣ 22 сол умр дид ва дар ин умри кӯтоҳ қаҳрамониҳое нишон дод, ки як марди 100-сола анҷом дода наметавонад.
Қаюмов Мансурҷон Абдусаломович. 8-уми декабри соли 1999 дар деҳаи Кангурти ноҳияи Темурмалик, дар оилаи низомӣ чашм ба олами ҳастӣ кушодааст.
Мансур ном гирифтани ӯ таърихчаи аҷоиб дорад. Бобояш амаки Абдусалом ва бибияш холаи Раъно ду писар доштанд: Мансурҷон ва Мақсадҷон. Мансурҷон аз пайи роҳи падар рафту афсари Ватан гардид ва санаи 22-юми апрели соли 1998 дар синни 22 солагӣ ва тағояш Олимҷон дар синни 24-солагӣ аз тири душман ба шаҳодат расиданд.
8-уми декабри соли 1999 амаки Абдусалом наберадор шуд ва ба хотири фарзанди шаҳидаш ӯро ном Мансурҷон гузошт, то ҷойи писари писари гумкардаашро пур кунад. Мансурҷон бо орзуҳои ширин ба воя расиду ӯ ҳам мисли тағояш дар синни 22-солагӣ аз тири душмани ғаддор қирғизи палид қаҳрамонона шаҳид шуд.
Маълумоти миёнаро дар мактаби варзишии шаҳри Душанбе гирифтааст. Ӯ дар толори варзишии ҶДММ “Маром” аз рӯи варзиши “Ҷудо” таҳти сарпарастии Суҳроби Акбаршо тамрин намудааст.
Баъди хатми мактаби миёна ба Академияи миллии Қазоқистон дохил шуда, онро бо дипломи аъло хатм намуд. Фаъолияти меҳнатии худро аз қисми ҳарбии 3502-и Қушунҳои дохилии ВКД Ҷумҳурии Тоҷикистон ҳамчун афсар оғоз кард. Ӯ то ба дараҷаи летинант расид.
Баъди гирифтани диплом бо ҳазор орзуву ҳавас оиладор шуд ва бо арӯсаш селфӣ гирифту ба инстаграмаш гузошт. Як рӯз пеш аз ҳамлаи ноҷавонмардонаи қирғиз занашро барои таваллуд кардан ба беморхона бурд. Занаш як писарбачаи нозанин таваллуд кард. Мансурҷон ӯро бӯсиду ба хонаашон овард. Ин аввалин ва охирин дидори ӯ бо писараш буд. Кӯдак ҳам намедонист, ки дигар падарашро мебинад ё не, ӯ ҳатто падарро намешинохт ва ё шояд мешинохт, ки ҳар лаҳза гиря мекунад.
Номи ӯро Исмоил гузоштанд. Номи таърихӣ, номе, ки дар атрофи ӯ ҳам қиссаҳо зиёд аст. Агар Иброҳими Халил фарзандаш Исмоилро барои қурбонӣ кардан бурдааст, аммо дар ҷо ҳодиса баръакс рӯх дод, яъне падар қурбонӣ шуд.
Ҳоло модари Исмоил бо аз даст додани шавҳар месӯзаду бо ба даст овардани нишоне аз ӯ меболад!
Ҳангоми таҳсил ва фаъолият дар як қатор мусобиқаҳои варзишии дохил ва хориҷи кишвар иштирок намуда, бо ишғол намудани ҷойҳои ифтихорӣ парчами кишварро борҳо баланд бардоштааст.
Ӯ ҳатто дар Қирғизистон ҳам парчами Ватанро баланд бардошт. Соли 2017 дар мусобиқаи байналмиллалии шаҳри Кочкор Атаи Ҷумҳурии Қирғизистон дар як мусобиқаи варзишӣ иштирок намуда, бо медали тилло ва ишғол намудани ҷойи аввал ба Ватан баргашт.
Бо модару падари Мансурҷони шаҳид сӯҳбат кардем, аммо тавони онро надоштанд, ки назди навор аз чанд хотироти рагини писар ёд кунанд.
Ҷаҳонгиршоҳ Рустамшоҳ, хабарнигори минтақавии рӯзномаи "Хатлон" дар шаҳри Кӯлоб
PS: Бо ашки чашм ин гузоришро танзим кардам...😭😭😭😭
20 сен 2022
