8. Адам баласының күпірлікке түсу себептері.
Алла Тағала сөзінде: {Иә кітап иелері! Діндеріңде шектен
шықпаңдар...} (Маида, 77).
Сахих Бухариде келген, Ибн Аббас (р.а.) Алла Тағаланың: {Олар: «Өз
құдайларыңды ешқашан тастамаңдар! Уадты да, Суағты да, Яғусты
да, Яуқты да және Насрды да ешқашан тастамаңдар!», - деді} аяты
жайлы былай деп айтқан: «Бұл есімдер Нұх қауымының салиқалы
адамдардың аттары. Олар қайтыс болғаннан кейін шайтан қауымына: “Отырыс орындарына мүсін тұрғызыңдар, ол мүсіндерді олардың аттарымен атаңдар”, - деп азғырып аян етеді. Олар оны іске асырады, бірақ бұл мүсіндерге сиынбайды. Олар дүниеден қайтып, білім ұмытылған соң адамдар мүсінге сиына бастады».
Ибн Әл-Қайим (р.) былай деп айтқан: «Бірнеше сәләф былай деп
айтқан: “Сол бес салиқалы кісі қайтыс болғаннан кейін қауымы
қабырларының маңынан кетпейтін, кейінірек мүсіндерін бейнелейді,
кейінірек ұзақ мерзім өтіп, сол бес кісіге табыны бастайды”».
Ибн Аббастан (р.а.) ол кісі пайғамбардың صلى الله عليه وسلم келесі сөзін жеткізген: «Шектен шығудан сақтаныңдар! Сендерден бұрынғыларды тек шектен шығу ғана құртып жіберген». Хадисті Нәсәй, Ибн Мәжә және Ахмад жеткізген.
Ибн масғуд (р.а.) Алла елшісі صلى الله عليه وسلم былай дегендігін баяндайды: «Шектен шығушылар (дінді өзіне қиындатуда) құрыған». Ол صلى الله عليه وسلم үш қайталады. Хадисті Муслим жеткізген.
Омар (р.а.) пайғамбардың صلى الله عليه وسلم келесі айтқан сөзін естіген: «Мені христиандар сияқты Ибн Мариямды қолпаштағандай
қолпаштамаңдар. Өйткені мен - құл ғанамын, сондықтан мені:
“Алланың құлы әрі елшісі” - деп қана айтыңдар». Хадисті Бухари
жеткізген.
Айша (р.а.) келесі жайтты жеткізген: «Умму Сә́ләмә (р.а.) Алланың
елшісіне صلى الله عليه وسلم Хабаша (қазіргі Эфиопия) жерінде шіркеу мен ішіндегі суреттерді көргендігін есіне түсіреді. Пайғамбар صلى الله عليه وسلم» : Олардың араларынан бір салиқалы адам не салиқалы құл қайтыс болса, олар қабірінің үстінен сиынатын мешіт тұрғызып және сол суреттерді салады. Алланың алдында олар жаратылыстардың ең жаманы болып табылады». Хадисті Бухари мен Муслим жеткізген.(Ибн Теймия айтты): Осылар екі фитнаның арасын біріктірген: Қабір фитнасы және мүсіндер фитнасы.
Бухари мен Муслимде, Айша (р.а.) тағы бір жайтты жеткізген:
«Алланың елшісіне дүниеден қайтыс болу белгілері түскен кезде
жамылғысымен өз бетін бүркей бастаған. Демі қысылғаннан кейін бетін ашып, сол қалпында былай деп айтқан: «Алла яһудилер мен
христиандарды лағынеттесін, өйткені олар өз пайғамбарларының
қабірлерін сиынатын орын етіп алды».
Айша (р.а.) айтты: «Пайғамбарымыз صلى الله عليه وسلم осы сөздерімен олардың істегендерінен сақтандырды. Өйткені ол صلى الله عليه وسلم өзінің қабірі сиынатын орынға айналады деп қорықты».
Жү́ндіб ибн Абдулла (р.а.) былай деген: «Мен пайғамбардың صلى الله عليه وسلمқайтыс боларынан бес күн бұрын мына сөздерін айтып жатқанын естідім: «Мен Аллаға сендердің араларыңнан маған хали́л
болудан қатысым жоқтығын айтамын, өйткені Алла Ибраһимді хали́л етіп алғандай мені де халил етіп алды. Ал егер де мен өз үмметімнен халилді таңдайтын болсам, онда міндетті түрде Әбу Бакірді хали́л етіп алар едім. Сендерден бұрын болғандар пайғамбарларының қабірлерін сиынатын орындар етіп алатын, ал сендер қабірлерді сиынатын орын етуші болмаңдар, өйткені мен сендерді бұны істеуден тыямын».Хадисті Муслим жеткізген.
Ибн Масғуд (р.а.) пайғамбардан صلى الله عليه وسلم мына сөздердің жеткендігін баяндаған: «Адамдардың ең жамандары Сағат (Қиямет) келгенде әліде тірі болатындар және қабірлерді сиынатын орындар етіп алатындар». Бұл хадисті Ахмад жақсы тізбектегі хадиске жатқызған, Әбу Хатим оны сахих деген.
Имам Малик “Муатта” кітабында Алла елшісінің صلى الله عليه وسلم келесі сөзін жеткізген: «Иә Алла, менің қабірімді табынатын пұт қылма. Алланың ашуы өз пайғамбарларының қабірлерін сиынатын орын етіп алған қауымға күшейе түсті».
Ибн Жарирден, оның тізбегімен Суфияннан, ол Мансурдан, ал ол
Мужәһидтің {Сендер Ләт пен Уззаны көрдіңдер ме?} аяты жайлы келесі сөзін жеткізген: «Ол кісі тірі кезінде оларға арпаны езіп беретін, ал қайтыс болған соң, адамдар қабірін сиынатын жер қылып алды».Осы сөзді Әбу Жәуза да Ибн Аббастан жеткізген: «Ләт деген бір кісі болған, ол қажыларға арпаны езіп беретін». (Бухари).
Ибн Аббас (р.а.) былай деп айтқан: «Алланың елшісі صلى الله عليه وسلم қабірді зиярат ететін әйелдерді және қабірлерді сиынатын орын ететіндер мен оның басына шырақ орнататындарды лағынеттеген». Хадисті Тирмизи, Әбу Дәуд, Нәсәй, Ибн Мәджә және Ахмад жеткізген.
Айшадан (р.а.), Алланың елшісі صلى الله عليه وسلم былай деді: «Қиямет күні азабы ең қатаң адамдар - Алланың жаратқанына ұқсататындар». Хадисті Бухари мен Муслим жеткізген.
Ибн Аббас (р.а): «Мен Алланың елшісінің صلى الله عليه وسلم мына сөздерді
айтқандығын естігенмін: “Әрбір бейнелеуші (әлде тірі жанның суретін салушылар) тозақта. Әр істеген бейнесіне (әлде суретіне) жан беріліп, ол солар арқылы тозақта азапталады”». Хадисті Бухари мен Муслим жеткізген.
12 сен 2024
