9. Пайғамбардың صلى الله عليه وسلم таухидті қорғауға алуы және ширкке апаратын бүкіл жолдарды бөгеп тастауы.
Әбу Һурайра (р.а.) былай деген: «Алланың елшісі صلى الله عليه وسلم келесі сөзді айтты: “Үйлеріңді қабір етуші болмаңдар, менің қабірімді орала
беретін орын етуші болмаңдар, маған салауат1 айтыңдар, өйткені
салауаттарың қайда болсаңдар да маған жетеді”». Хадисті Әбу Дәуд
жеткізген, хадистің тізбегі жақсы, жеткізген адамдары сенімді.
Али ибн Хусейн бір ер адамдың пайғамбардың صلى الله عليه وسلم қабірінің қуысына келіп, сол арқылы қабірге кіріп дұға етіп жүргенін көргенде, оны бұл нәрсені істеуден тыяды. Сонда былай дейді: «Сендерге әкемнен, ал ол болса өз атасынан, атасы Алланың елшісінен صلى الله عليه وسلم естігенімді әңгімелеп бермеймін бе?! Пайғамбар صلى الله عليه وسلم былай деген: “Менің қабірімді оралатын орын етуші болмаңдар, өз үйлеріңді қабір етіп алмаңдар, маған салауат айтыңдар, өйткені сендердің сәлемдерің қайда болсаңдар да маған жетеді”».
Хадис “Мухтара” кітабынан келтірілген.
Абдулла ибн Шиххи́р былай деген: «Мен Бану А́мир тобымен Алланың
елшісіне صلى الله عليه وسلم аттандым. Біз (пайғамбарға): “Сен біздің тақсырсың”, - дедік. Ол: “Тақсыр (Сайи́д) - ең жоғары Алла ғана”, - деді. Біз: “Сен арамыздағы ең абзалысың әрі ең айбарлысың”, - деп айттық. Ол: “Бұл сөзді немесе кейбірін айта беріңдер, бірақ та сендерді шайтан (алдап, өзінің пайдасына) жүгіртіп қоймасын”». Хадисті жақсы тізбекпен Әбу Дәуд жеткізген.
А́настан (р.а.), ол былай деді: «Кейбір адамдар (пайғамбарға): “Иә
Алланың елшісі! Сен біздің ішіміздегі ең абзалысың, сен біздің ішіміздегі ең абзалының баласысың, сен біздің тақсырсың, тақсырымыздың баласысың”, - деп айтты. Сонда ол صلى الله عليه وسلم” : Иә халайық, сөздеріңді айтсаңдар айта беріңдер, бірақ сендерді шайтан азғырып алмасын. Мен, Мухаммад - алланың құлымын әрі Оның елшісімін. Мені Құдіретті, Ұлы Алла қойған мәртебемнен жоғары көтерулеріңді қаламаймын”, - деді». Хадисті Нәсәи жақсы тізбекпен жеткізген.
17 сен 2024
