Ўткир коронар синдром ҳақида энг сўнгги маълумотлар. Ушбу йиғма диагноз ўз ичига ностабил стенокардия, ST элевацияли миокард инфаркти ва ST элевациясиз миокард инфарктини олади. Ушбу синдром ҳозирда ўлим даражаси бўйича юқори кўрсаткичларга эга бўлиб глобал муаммо ҳисобланади. ЎКСнинг этиологияси 90-95% ҳолларда коронар қон томирлар атеросклерози бўлса, қолган 5-10% ҳолатларда эса тромбоэмболия, васкулитлар ҳамда вазоспазм натижасида вужудга келади. Касалликнинг патофизиологиясида холестерин миқдорининг меъёрдан ортиши ва бунинг натижасида қон таркибида паст зичликдаги липопротеинларнинг (ПЗЛП) кўпайиши, хавф омиллари сабабли коронар томирлар эндотелийси шикастланиши ҳамда ПЗЛПни субэндотелиал бўшлиққа ўтиши ва охир оқибат шу соҳада яллиғланиш жараёнини келиб чиқиши ётади.
29 сен 2024