Қазақстан мен Ресей әншілерінен құралған футбол командалары кешегі ойыннан мерекелік көңіл-күймен тарасты. 4 мамыр күні қазақ шоу-бизнес жұлдыздары өздерінің өнердегі әріптестері Ресейдің «Старко» футбол командасымен өз алаңдарында доп жарыстырған болатын. Тартысты футбол өзіміздің "Алатау" командасының жеңісімен аяқталған еді. Әріптестеріміз де көптен күткен кездесуді тамашалап, ойын кезіндегі қызықтардың куәгері болып қайтқан еді.
Әншілерден құралған "Алатау" командасы нағыз кәсіби футболшылардай. Ойын алдындағы 10-15 минутын өнер азаматтары жаттығуға арнады. Мейрамбек, Сәкен, Мұқасан бастаған команданың көздегені бір. Жиналған халықтың көңілінен шығу.
СӘКЕН МАЙҒАЗИЕВ, "Алатау" ФК ойыншысы, әнші:
МЕЙРАМБЕК БЕСБАЕВ, "Алатау" ФК ойыншысы, әнші:
Ал, Алатаудың бүгінгі қарсыласы, Ресейден келген "Старко" командасының ойыншалары осы. Қазақ әншілерінің қонақжайлығына риза болған олар, ойын басталмай жатып жеңіс бәріне ортақ деді.
ИРАКЛИ "Старко" ФК ойыншысы, әнші:
Екі елдің әнұраны айтылып, командалар сәлемдесіп болған соң төрешінің ысқырымен ойын басталып кетті. Жұлдызды футбол көруге келген жанкүйерлер алақандарын қысып, сүйікті әншілерінің тілеулерін тілегені сол еді, Мистэрионс әншісі Арман Қоңырбаевты қарсылас команданың қақпашысы аяқтан шалып құлатты. Нәтижесінде төрешілер айып добын белгілеп, Жұбаныш Жексенұлы алғашқы голдың авторы атанды.
Әншілерін қолдауға шамамен 15 мың жанкүйер жиналды. Олардың арасында Алатаулықтардың өнердегі әріптестері, отбасы мен туыстары да бар.
НҰРЛАН ЕСПАНОВ, әнші:
Бұл жанкүйерлердің тілегі, үміті еді. Алайда, екінші таймда еңгезердей ресейлік әнші Пьер Нарцисті қалайша біздің арық әнші Арманның құлатқанын түсінбесек те, төрешілер қонақты сыйлап, айып добын тебуге мүмкіндік берді. Сөйтіп, Ресейліктер гол соғып, есепті теңестірді.
4 май 2014
