ӨМІР СЫРЫ ЕГІЗ ЕКЕН Сөзі: Тынышбай Рахымдікі Әні: Самат Сыпатайұлынікі Орындаған: Гүлдана Ноғайбаева Анаң жасыл бау секілді, Әкең асқар тау секілді. Жасыл бау мен асқар тауың, Егіз арман ән секілді. Қайырмасы: Әнің жырға негіз екен, Күйің терең теңіз екен. Құстың екі қанатындай, Өмір сыры егіз екен. Жарың арман сыңарыңдай Досың асқақ шынарыңдай. Келгеніңде құшақ ашқан, Сенің егіз тұрағыңдай. Ұлың - ізің жалғайды әлі, Қызың - сезім балқаймағы. Секілді ғой олар саған, Егіз жұлдыз маңдайдағы.