Նախ հասկանանք, թե ինչ է իրենից ներկայացնում գրագողությունը։ Ուրիշի ստեղծագործությունից մտքեր, հատվածներ քաղելը առանց դրանց ստեղծագործական վերամշակման և առանց ձեռքբերման սկզբնաղբյուրի նշման և որպես իրենը ներկայացնելը կամ ստեղծագործությունն ամբողջությամբ իր անունով ներկայացնելը համարվում է գրագողություն։ Գրագողությունը ևս համարվում է հեղինակային կամ հարակից իրավունքների խախտվում է պաշտպանվում է օրենսդրությամբ։ Մասնավորապես՝ Հեղինակային իրավունքի կամ հարակից իրավունքների իրավատերն իր իրավունքները պաշտպանելու նպատակով կարող է Հայաստանի Հանրապետության օրենսդրությամբ սահմանված կարգով դիմել դատարան: Իրավատերն իր իրավունքները պաշտպանելու նպատակով, դատական կարգով, իր իրավունքները խախտողից կարող է պահանջել՝ իրավունքը խախտող գործողությունների կասեցումից մինչև նմանակված օրինակների ոչնչացում և վնասի հատուցում։
Հարկ է նշել, որ այլ անձի հեղինակությունը յուրացնելը կամ հեղինակային կամ հարակից իրավունքի օբյեկտն ապօրինի օգտագործելը կամ առանց հեղինակային իրավունքի կամ հարակից իրավունքների իրավատիրոջ համաձայնության նրա ստեղծագործությունն իրացնելը նաև առաջացնում է վարչական պատասխանատվություն՝ 50․000-100․000 ՀՀ դրամի չափով, սակայն միայն այն դեպքում, եթե նման գործողությունները հեղինակին պատճառել են ոչ ավել, քան 500․000 ՀՀ դրամ գումարի չափով վնաս, այլապես՝ դրանք կարող են հանգեցնել մինչև երեք տարի ազատազրկմամբ քրեական պատասխանատվության։
9 июл 2024
