Հուլիսի 8-ին ՀՀ ԿԲ Դիլիջանի ուսումնահետազոտական կենտրոնում մեկնարկել են YES և Մակրոտնտեսական ամառային դպրոցները։
Yerevan Economic School-ի հետ համատեղ կազմակերպվող YES ամառային դպրոցի նպատակը երիտասարդ տնտեսագետների շրջանում հետազոտական հմտությունների զարգացումը և տնտեսական քաղաքականության ոլորտի ապագա առաջնորդների պատրաստումն է։
Մակրոտնտեսական ամառային դպրոցը, որը The Better Policy Project-ի հետ համագործակցության արդյունք է, մասնակիցներին ներկայացնելու է տարեսկզբին ԿԲ-ում ներդրված նոր սերնդի կանխատեսումների և քաղաքականության վերլուծության համակարգը (FPAS Mark II)՝ շեշտադրելով մակրոտնտեսական քաղաքականության ժամանակակից զարգացումներն ու մարտահրավերները:
Ամառային դպրոցները հյուրընկալելու են 10-ից ավելի երկրի ներկայացուցիչների և բանախոսների տարբեր առաջատար համալսարաններից և քաղաքականություն ձևավորող կառույցներից։
Նախաձեռնությունը կրելու է շարունակական բնույթ։
11 июл 2024