Պառավաքար. դիրքապահ ծեր կնոջ պատմությունն ու սահմանային հին և նոր խնդիրները 

#REGIONSTV
Լրահոսին կարող եք հետեւել կայքէջում 👉regiontv.am/
Նաեւ Տելեգրամի մեր ալիքում 👉 t.me/regions_tv_info
Տավուշի մարզի Պառավաքար գյուղն անմիջապես սահմանակից է Ադրբեջանին: Եվ 20-րդ դարասկզբին, և 90-ականներին պառավաքարցիները հերոսաբար դիմագրավել է թշնամու հարձակումներին: Պառավաքարի հողերի շուրջ 1400 հեկտարը, որից 300-ը խաղողի այգիներ են եղել, այսօր ադրբեջանական վերահսկողության տակ է:
Ալբերտ Զոհրաբյանը գյուղի հնաբնակներից է: Լավ տիրապետում է գյուղի և տարածաշրջանի պատմությանը, մասնակցել է 90-ականների մարտական գործողություններին, ոտքի վնասվածք ստացել:
«Միայն մեր գյուղը ժամանակին 5000 տոննա խաղող է տվել, հսկայական այգիներ ենք ունեցել, որոնք մնացել են ադրբեջանցիների նշանառության տակ, չենք կարողանում մշակել: Անտառից ու արոտավայրերից ևս չենք կարողանում օգտվել»,-պատմում է 86-ամյա պապը:
Սիրում է իր գյուղը, և մինչ օրս, անտեսելով առողջական խնդիրները, հող է մշակում: Մեծ ցավ է ապրում, երբ իմաց են տալիս Պառավաքարից հերթական երիտասարդի կամ ընտանիքի հեռանալու մասին: