اللي مخوف الاوروبيين صدق هو عدم وجود ضريبة دخل عندنا، لأن الضرائب هناك تاخذ نص رواتب اللاعبين ، يعني اذا ارتفعت مداخيل الأندية وتحسنت البنية التحتية وايضا تحسنت سمعة الدوري واخذ مكانته بين الدوريات بيسهل عليك اغراء النجوم، تعال واعطيك راتبك كامل أو راتبك وفوقه عشرين بالمية زيادة
بالرغم اني ابي الناقل وطني ومنا وفينا بس SCC فاشلة ومن زمان وهذي كذا حرام تكون هي الناقل لدوري وللمباريات ولو الي ماخذين النقل الرياضي بي ان سبورت راح نشوف متعه كروية ونقل للمباريات تعطي جمالية التصوير والاخراج
انا دائماً أفضل البناء من القاعدة مفروض المشروع يبدأ: 1- اول شيء بنقل الملكيات للأربعة الكبار + الاندية الأخرى مثل نيوم والقادسية والصقور والعلا والدرعية لملاكها الجدد. 2- ثم بناء مقرات جديدة لهذه الأندية ويفضل أيضاً بناء مدن رياضية متكاملة بملاعب خاصة لكل نادي حتى يصنع كل نادي هويته الخاصه ومصدر دخل مستدام، وتكون هذه المقرات وفق افضل المقاييس العالمية وتحتوي على اكاديميات هي الأفضل في العالم وتكون مجهزة بالتقنيات الحديثة مثل الذكاء الاصطناعي وانترنت الأشياء. 3- ثم الخطوة اللي تليها التعاقد مع رؤساء تنفيذيين ومدراء رياضيين الأفضل بالعالم. 4- ثم التعاقد مع مدربين للأكاديميات والفريق الأول ومعدين بدنيين واخصائيين تغذية ومدربين ركلات ثابتة إلخ .. يجب ان يكون الأطقم التدريبية هي الأفضل بالعالم. 5- ثم بعد ذلك تنبيه الأندية بعدم التجديد مع اللاعبين الأجانب القدامى والإنتظار حتى تنتهي عقودهم. 6- ثم آخر شيء البدء في برنامج استقطاب اللاعبين العالميين ، ويجب ألا يبدأ البرنامج إلا بعد صعود اندية القادسية ونيوم والعلا والدرعية والصقور إلى الدوري الممتاز. بحيث يكون لدينا 9 أندية من أصل 18 مستواهم متقارب. ويجب عند التعاقد مع اللاعبين الأجانب أن يكون 6 من أصل 10 لاعبين هم لاعبين مواهب شباب اعمارهم أقل من 23 سنة والـ 4 الآخرون نجوم مشاهير بحيث نخلق توازن بين الأداء والأسماء.
أنا على العكس تماما أشوف دام اننا اتجهنا للاستثمار الرياضي يتم فتح زياده الاجانب لرفع قيمه الدوري لكي يصبح علامه تجاريه كبيره وايرادات ضخمه وتصبح الدوله وجهه سياحيه اما بخصوص اللاعب السعودي راح يضطر لترك الدوري اما يتجهه الى يلو او يحترف خارجيا بعد ان تم جلب اجنبي في خانته