----
الدقيقة 4:20 ياراعي الباب الحديد
----
الكلمات:
كذبت فيك إلين شافتك عيني ..
مع واحدٍ قد قلت لك لا تماشيه
وبانت ملفاتك يسار ويميني ..
تظهر لنا بغضه وقلبك مصافيه
،،،،،،،،،،،،،
أنا اللي الشرهه علي يوم حبيت ..
وأخلصت في حبي لمثلك وشرواك
ولو التمني قد نفع قلت ياليت ..
وياليت ربي لد عرفك وجمعاك
وياليتني في حارتك ماتمشيت ..
ولا عرفتك يوم هذي سوياك
وياليتني من قبل أعرفك توفيت ..
كان مستريح من الغرابيل وياك
وياليتني ساعة ملاقاك صديت ..
مارحت أدور واسطه لي عرفناك
وياليتني يوم شفتك أقبلت قفيت ..
وعز الله إني مستريحٍ بلياك
أنا صحيح اللي على نفسي أخطيت ..
أخفيت أنا الواضح وخافي خطاياك
وترى العذر ماينفعك مهما تخفيت ..
تشهد عليك الدبله اللي بيسراك
::::::::::::::::::::::::::::::::::::::::::::::::::::::::::::
ياراعي الباب الحديد انتهينا ..
وإن عاد جيتك صك في وجهي الباب
تسري بطارك وإنت تكذب علينا ..
وحطيت طارك لك عذر وإنت كذاب
وإن قلت من ذا قلت غالي علينا ..
وذا من جماعتنا وهذا من أصحاب
لاتحسبنا في هواك أبتلينا ..
وبتحطنا لك خيشةٍ من ورى الباب
ياما على جمعاك أول بكينا ..
واليوم لا والله أنا خاطري طاب
ماعاد يمديك التخفي درينا ..
نحسبك مخلص وإنت خاين ولعاب
بعناك مجاني مع الخاينينا ..
شرواك ياحرف العين ما نحسب له حساب
احرص على قل المعرفه قضينا ..
ولو إن بيتك مسجد وفيه محراب
20 сен 2024
