المغالطات المنطقية هي أخطاء في التفكير بتخلينا نوصل لاستنتاجات غير صحيحة أو مضللة من غير ما نلاحظ.
بشكل عام المغالطات كلها بتخلينا نقع في فخ تصديق حاجات مش مبنية على منطق سليم وده بيأثر بشكل كبير على طريقة حكمنا على الأمور واتخاذ القرارات
واحدة من أخطر المغالطات هي مغالطة "الانحياز للتأكيد".
المغالطة دي بتحصل لما بنبدأ ندور بس على المعلومات اللي بتدعم الفكرة اللي مقتنعين بيها أصلا وبنتجاهل كل الأدلة اللي بتفندها أو ممكن تشكك في صحتها.
يعني ببساطة بنركز على اللي بنحب نصدقه ونرفض أي حاجة تانية مثلاً لو معتقد إن شخص معين وحش او عمل موقف وحش معاك هتدور على أي دليل يؤكد فكرتك وتغض النظر عن أي حاجة إيجابية ممكن تقول العكس الفكرة دي مش بتخلينا نشوف الحقيقة كاملة وده خطر جدا لأنه بيخلينا نعيش في فقاعة أفكارنا بدون تقبل او تصديق لرأي مختلف.
ليه مهم نعرف عن المغالطات المنطقية؟ لأننا كل يوم بنقابل مواقف محتاجة نفكر فيها بعقلانية ونبعد عن الأحكام المتسرعة او العاطفية أو التحيزات اللي بتسيطر علينا واللي ممكن تخسرنا حاجات مهمة.
لما تفهم المغالطات دي هتقدر تحمي نفسك من الوقوع في فخ التفكير الخاطئ وهتكون قادر تحكم على الأمور بموضوعية أكبر.
المغالطات مش موجودة بس في النقاشات الفلسفية لكن كمان بتأثر على حياتنا اليومية، سواء في الشغل، العلاقات، أو حتى الأخبار اللي بنتابعها.
وقناة في خمسة كلام هي المكان الأفضل لتعرف أكتر عن المغالطات المنطقية بطريقة بسيطة وممتعة. في القناة دي بنشرح كل مغالطة بشكل سهل وشيق، ونوريك أمثلة واقعية تخليك تفهم إزاي المغالطات دي بتأثر عليك كل يوم.
هدفنا إننا نساعدك تفكر بعقلانية وتفهم العالم حوالينك بشكل أوضح. لو عايز تكتسب مهارة التفكير النقدي وتبقى أذكى في قراراتك، ما تفوتش أي حلقة من في خمسة كلام
الحلقة مستوحاة من كتاب الدكتور عادل مصطفى (المغالطات المنطقية)
تحميل الكتاب : bit.ly/Logical...
بعض المراجع :
www.verywellmi...
www.britannica...
link.springer....
www.ling.upenn...
#مغالطات_منطقية #الانحياز_للتأكيد #تفكير_نقدي #منطق #في_خمسة_كلام #تعلم_المنطق #تحليل_المعلومات #تجنب_المغالطات #تطوير_الذات #تغيير_الافكار #CriticalThinking #ConfirmationBias #LogicalFallacies #Logic #RationalThinking #ImproveYourMind #ThinkSmart #AvoidBias #LearnLogic
5 окт 2024