على فكرة سيارة ملهاش حل هايله جدا جدا و التيجو عموما من اول موديل ولها كفائة عالية خصوصا الشيرى 7 والشيرى ,8 البرو حاجة ماشاء الله فى الاوبشن والشكل العام من الخارج بصراحة كل حاجة فيها رائعة
العربيه معايا بقالها سنتين بالتمام لافيها عيب هوايه ولاعيب بويه ولا اي تخريف من الى قولته وانا واسرتى بنشكر ربنا اننا جبناها ومستمتعين بيها جدا ،،،،،، عربيه ب٣٠٠ الف تقارت بالتوسان ام مليون جنيه النهارده
هو انت استأذنت صاحب العربية اللي عمال تقلب فيها وشركت امها دي الاول ? دي عربيتي ومشكلتي مش معاك .. المشكلة مع محمد نور والناس اللي معاها عشان يخلوك تلعب بعربية متباعة .. تاني حاجة انت لو امين اعرض ردود الناس علي المشاكل اللي انت عرضتها وشوف دي حاجات جذرية فعلا والا كانت حلولها بسيطة . تالت حاجة انا مش شايف اي احترافية في عرض العربية سواء تصوير او طريقة كلام او ريفيو علمي .. حتي مش انت اللي سوقتها عشان تحكم .. اتفرج ع الناس اللي بتعمل ريفيوهات صح وأبدأ من جديد
اي عربية بتيجي المعرض بصورها وده طبيعي وبالنسبة للمشي بالعربية انا مكنتش همشي بيها ولكن لما كان فيها مشكلة ف الفانوس الخلفي اضطرينا نروح نعملها وهيا دي كانت الفرصة لاني اصور العربية وهيا ماشيه وكل انطباعات الناس عنها حقيقية وبإثباتات وما زلت لحد انهارده بشوف فيها عيوب عجيبة وثالثا وده الاهم ان العربيات حظوظ ممكن تبقى عربية مليانه عيوب وماشيه مع صاحبها زي الفل وغيره بيشتكي منها فمتشغلش بالك بالفيديو واستمتع بالعربية ما دام عجباك
شكرا جزيلا لمجهودك مع كل العيوب اللي حضرتك قولتها دا يدل ان العربيه ممتازه لو كانت المشاكل في سوفت وير شاشه او فوانيس مشبره يبقي زي الفل تسلم انك اقنعتنا اكتر بالعربيه
كلامي كله موضح بإثباتات وبردو ف الفيديو قلت ان معظم المشاكل دي فردية يعني ممكن تظهر مع ناس وناس لأ.. انا مبفتريش ع العربية ياريت تراجع كلامي ف الفيديو كويس
والله انا ضحكت من التعليقات على الرفيو طبيعى ان العربيه تقفليها المصرى سىء ولكن مش من الطبيعى ان هوايات التكييف ما بتقفل🤣😂 ده إجرام اما العربيه محققه مبيعات ده حقيقى ولكن مش عشان العربيه فعلا كويسه ولكن لان سعرها فى المتناول اما مشكله الشاشة ده بتحصل فى اى براند ولك مثال فى اسكودا اوكتافيا عبره عموما اتفق معاك فى عيوب التقيل وموضوع الشاشه وطبيعي العزل يكون متوسط والتكيف متوسط ولكن ليها مميزات اولا السعر قبل الزيادات فى المتناول العفشه كويسه الثبات كويس وشويه رفاهية وكهارب موتور وفتيس من غير مشاكل حتى الآن مع العلم ان الفتيس dry والمحركات تربو
معاك حق كتيير أ. وليد. وك عيوب فتيس او موتور مش هتظهر دلوقتي واتمنى متظهرش يعني الله اعلم ولكن في حاجات ف السعر ده تكون اختيار احسن بكتير وليكن شانجان cs55 اول فئة بفتيس ياباني اعتمادي جدا او جاك js4 مثلا.. وفعلا الكومنتات غريبة مريبه انا بستعجب يعني 😅
كل الشكر لحضرتك ولتفهمك اني فعلا عكس التيار بس مراعاة لضميري مش اكتر والله أما بالنسبة لتيجو 8 ف دي مستورده وتقفيل صيني ف اكيد مش هيكون فيها معظم مشاكل التقفيل والخامات اللي ذكرتها ف تيجو 7
العربيه دي عمليه من وجهه نظري لانك في المستقبل لو حبيت تلعب علي تغيير المحرك والفتيس ..ده ممكن جدا...فتيس العربيه مش الاحسن ..في الخليج اتوماتيك وهنا يعني انت ينفع تركب فتيس مختلف في المستقبل علي نفس المحرك . انا معاك جدا جدا أن تقفيل مصر محتاج يتحسن وخصوصا في موضوع طلاء السياره ومعاك بقلبي ...وكمان موضوع انه الوكيل يستورد من المصنع نفس القطعه بس رقم اتنين مش واحد.. العربيه دي في السعوديه فيها انوار ترحيبيه علي الأبواب..وعتب مضيئ..وداخليه مختلفه لو هتركز في العدادات..وفتيس مختلف علي نفس المحرك...وكاميرات محيطيه.. انت بتتكلم صح تقفيل مش تمام بس احسن من غيرها صدقني وأهم حاجه ان المستورد جابلنا الفتيس الي مركون عندهم ومش عليه طلب عالمي عشان السبوبه...الفتيس تمام بس مش اعتمادي وصاحب عمر طويل وصيانته مكلفه غير الاوتوماتيك فتيس ملوش اعطال تذكر وكله متعود عليه
والله انا مش هستفاد أي حاجه لما اقول ان العربية وحشه غير اني بحاول احافظ على فلوسك انت واللي زيك من انهم يدفعوها ف حاجه متستاهلش وبالكتير سنة او اتنين وهيلاقوها مش نافعه بعد كده والايام ما بيننا يا محترم
بص ياعم اللي عامل نفسك فهمان وانت فعلا فعلا مش فاهم اي حاجة هوايات ايه ياابو هوايات ارجع راجع كتالوج العربية مظبوط دي بتشتغل لوحدها كل ساعتين عشان تجدد الهوا الداخلي في العربية يافهمان. الخامات كلها سوفت تاتش . والعزل جيد جدا . يامش فهمان بالمقارنة بعربيات تانية كتير . والعفشة كمان مش ناشفة علي الاطلاق . الخلاصة انا اشتريت العربية دي من شهرين اللون الأبيض يعني موديل ٢٠٢٢ كل الموضوع ان الفتيس عشان دويل كلاتش بيكون في رجة بسيطة جدا احيانا في الطلعة ومش دايما وده بيحصل في كل الفتايس الدويل كلاتش حتي في العربيات الاغلي من كده بكتير. تصدق بالله انا بالظبط ماشي بيها ٧٠٠٠ كيلو في حوالي شهر واسبوع تقريبا عربية جيدة جدا وانا كتير مرتاح فيها عربية شيك عالية عن الأرض التسارع بتاعها ممتاز خاماتها الداخلية عالية مش بلاستيك واسعة من جوة . والتكييف بشغل علي اقل حاجة ممتاز . كلامك بنسبة 90% مش مظبوط .
اولا انت بتقول ايه هوايات ايه اللي كل ساعتين عشان تجدد الهواا افرض بره ف الشارع في دخان او الهوا مش كويس هتجددهولك بالعافيه وتخنقك 😂😂 دي هبده جديدة اووي وثانيا يا فهمان مفيش عربية بتحكم عليها بعد ٧٠٠٠ استنى عليها وشوف الخامات الخارجية والداخلية وضعها هيبقى ايه ثالثا عزل ايه اللي بتتكلم عليه انت لو كنت راكب عربية نضيفة قبلها هتعرف انها ضايعه ولكن لو كنت راكب عربية ضايعه ف هتحس انها نضيفة وبلاش تتك ع المفهومية تاني 😂
@@zeyadBoghdady ايه ده كله ايه ده كله ده انا قريت دلوقتي باقي الكومنتات ده انت بهدلت حالك خالص يابني . لاحول الله يارب . طيب شغلانه مبتفهمش فيها او لسه طالع في المقدر جديد اصبر شوية لاتتعلم وتاخود شوية خبرة عن السيارات . او روح خودلك دوره في شارع الثورة . وبعدين ابقي اطلع في التليفزيون. ههههههههههههههههه
من اجمل السيارات اللي سوقتها وامتلكتها في حياتي بامانه مشكلتها غبور وتأخيره الغير مبرر في الاصلاح وتركيب قطع الغيار وجهاز حمايه المستهلك في حته تانيه خالص .رمضان كريم .ولكنها سياره والله اسطوره بس التوكيل يكون متعاون مع الملاك فقط
انا راكب العربية دى بفضل الله ☝️ عيوبها تقفيلها و البوية معظم العربيات فيها تكليح و فى ناس ظهر عندها مشاكل فى مكنة رفع الزجاج فى باب واحد بس و عفشتها ناشفة و التكييف نفس اداء العربيات الاوروبى بالظبط متوسط بس المميزات كتير يعنى العفشة الناشفة بتدى ثبات رهيب على الطريق و الاستهلاك بيبقى عالى اول 5000 كيلو بعد كدة بيتظبط و فى السفر بينزل ل ٦ لتر و صالونها واسع و شنطة محترمة هى كانت قبل الزيادة قيمة مقابل سعر هايلة إنما بعد الزيادة و الاوڤر برايس لأ
علي فكره الراجل الي عامل فيو عنده مشكله مع غبور هو اساسي مش فاهم حاجه هو عايز يطلع في العربيه اي حاجه هو و لا عنده خبره و لا حاجه الشخص ده كبيرو راكب 128 بس الراحل ده مش تمام
حضرتك تقريبا كده شارب شاي بالياسمين من شركه منافسه كثر الذم يولد الشك كثر المدح يولد الشكل العربيه اللي حضرتك مشركها دي ثمنها 460,000 جنيه النهارده لو العربيه فيها عيوب ما كانتش وصلت للرقم ده الحاجه الثانيه العربيه ماليه شوارع مصر واوروبا انا ما شفتكش قلت ميزه واحده في العربيه علما باين ما امتلكتش العربيه لاكني شايفها في كل حته في مصر بلاش كلام فاضي
ياخي عيب عليك والله انت اكيد مدفوع لك عشان تشفر كده اي عربيه فيها السلك الي ظاهر في الشنطه كانت معي كذا عربيه كان نفس الشكل والهوايات بتقفل والتكييف مقفول مش صح الكلام الي بتقوله انا معي العربيه امسح الفديو ده
صراحة انت معندكش حق رايح تقول للناس اللشترت عربيتكم وحشه وهم دفعين فيها أد كده هههههه كلام بجد بقي لو كلامك صح وخالص لله كمل في طريقك بس ياريت تعمل فيديوهاتك بدري شويه قبل الناس متشتري اول ماالعربية تنزل مش بعد الناس متشتري وشكرا لسعه صدرك
انا معايا العربية بقالها سنة و ٣ شهور و عاملة ٣٤ الف كيلو و مفبش الكلام اللي حضرتك قولته ده خالص .. انا مش شايف اي تقرير عن السيارة او احترافيه في الفيديو اللي حضرتك عاملة ده .. ده واضح جدا ان في مشكلة ما بين حضرتك و السيارة او مصلحة خاصة في عمل الفيديو ده و واضح جدا موقف حضرتك المسبق من السيارة .. للاسف حضرتك اخترت المشكلات الفردية و ركزت عليها و واضح في تعليق حضرتك بعد عرض الفيديو فكرة حضرتك من عمل الفيديو... كان ممكن تقول يا جماعة انا عايز أوضح فكرة كرهي للسيارة و احنا حنقدر حاله حضرتك ... فيديو لا يمت للواقع باي صله للاسف.. ربنا يهدي 😄 علي فكرة الاستاذ المحترم صاحب الفيديو اللي عنده ضمير و ما بيقولش غير الحق حطيت له ٣ لينكات لأكثر السيارات الاس يو في مبيعا في مصر علشان ضميره الصاحي مسحهم من البوستات علشان ما يطلعش بطيخ و مش عارف السيارات اللي بيقول انه بيبعها و ترتيبها في سوق مبيعات السيارات .. اللي يمسح بوستات يبقي كداب و بيداري كسفته و متهيالي الناس كده فهمت ان الفيديو ده ينفع يكون في قناه كوميدية مش سيارات 😁
لو حضرتك راجع الفيديو هتلاقيني ذكرت ان قي ناس مش هيكون عندها مشاكل واتمنى محدش يواجه مشاكل معاها وكمان قلت ان دي معظمها مشكلات فردية وربنا يباركلك فيها وتفضل حلوه معاك
انبساطي انا و الغالبية العظمي بالسيارة ده مش جاي من ملاحظات ده جاي من استخدام فعلي للسيارة و الحمد لله مش مستنيين حد يقولنا ننبسط او لا من سيارتنا و ياما عدت حملات منظمة قبل حضرتك لمحاولة إظهار ان السيارة فيها و عليها و الواضح أن كل ده فشل لان السيارة في الواقع من أكثر السيارات الاس يو في مبيعا في مصر في ٢٠٢١ ده لو حضرتك متابع سوق السيارات و معني كده ان الواقع ان السيارة جيدة جدا و مشاكلها قليلة لان مفيش سيارة من غير مشاكل و السيارة تستاهل كل جنيه اتدفع فيها .. انا عرفت انك من بورسعيد .. و ان حضرتك في معرض معروف هناك مش حذكر اسمه .. بس هل صاحب المعرض عارف انك بتاخد سيارات المعرض لفه كده و بتقول علي الموديلات اللي عنده بيبعها في المعرض الكلام ده .. اعتقد صعب .. صعب جدا فيديوهات حضرتك دي تكون برضي صاحب المعرض و اللا ربنا يعوضه خير في محل رزقه 😅😅
@@tareksalah4340 اولا المعرض اللي بتتكلم عنه ده بتاعنا انا مش شغال فيه ثانيا اه كل حاجه بعملها بيشوفها كل فرد ف المعرض ثالثا والاهم اني بقول اللي يرضي ضميري من ناحية السلعة اللي قدامي عمري ما هقول على حاجه حلوه عشان ابيعها وهيا وحشه وبعدين مش عشان حضرتك معاك العربية تبقى متحيز ليها اوي كده خليك ناصف ف كلامك وف احكامك قسما بالله العربية زباله وهتشوف بعد لما يعدي عليها سنتين هيكون وضعها ايه وارجع اقولك ربنا يباركلك فيها
@@tareksalah4340 وبعدين حضرتك بتقول انها من اكتر سيارات ال suv مبيعا ازاي دي مش suv اصلا ولا قربت لل suv وللا حضرتك راكب حاجه كمان مش عارف تصنيفها ايه انا عرفت كده هيا عجبتك ليه عشانها suv واكثر مبيعا لا واضح ان حضرتك مراجع كويس
العربيه فيهاPبركن يعنى وضع الوقوف وفيهاkرجوع للخلف وفيهاNبتمور العربيه وفيها B وضع القياده والفتيس مانويل واتوماتك وفرامل اليد كهربا والتكييف تلاجه الجاجه الوحيده اللى قلتها صح فتحات التكييف بتجيب نسمه هوا خفيف وانت ماشى انما الشاشه عاليه جدا ووممتاذه الموتور تربو رهيب فى السحب ورغم علوها عن الارض لحد 130بحس مش ماشى وثبات مفيش فى كيا وتوسان رغم انهم اعلى سعر منها بكتير دا غير كلها جلد وتقفيل مفيش فيه ولا اى مشكله وحسسات ركن اماميه وخلفيه وكاميرا عاليه جدا بالجوده العربيه وحش وحش بمعنى الكلمه على الطريق الممهد والغير ممهده ورغم علوها وعن الارض الا انا بتجرى من غير ما تشعر وبجيب بيها ال100 فى تسع ثوانى وكسر قبل ما توصل 10ثوانى انت بتقول كدا ازاى 😂
للاسف .. كنت اتمنى انك نعمل تقرير عن العربية افضل من كده .. العربية عاملة افضل عربية تحت ال 350 الف ولمدة شهور طويلة محافطة على مركزها لو العربية وحشة مكنش حد اشتراها .. انت بتقول انها كروس اوفر .. والعربية بالظبط نفس مقاسات التوسان والاسبورتاج .. يبقوا دول كمان كروس اوفر ؟؟؟ ... ... لو الملاك شايفين انها سيئة كانوا باعوها وخصوصا ان التيجو بصفة عامة سوقها شغال وحتتباع بكل سهولة لكن اصرارهم على الاحنفاط بيها بيبين اد ايه العربية كويسة . رجاء الدقة فى العرض وعدم التحيز.
شكرا يافندم بس اظن كل كلامي وتصويري للفينش بتاع العربية والاسكرينات موضحه كل حاجه انا مش هتبلى ع العربية خليك منصف وصادق مع نفسك مش عشان ركبتها تبقى عايزها احسن عربية
هو التوكيل ضحك عليك ومدفعلكش ولا ايه هو فيه معرض بالهبل ده يطلع يتكلم كده علي اي عربيه كده وهو بيبيعها ده انت كده مش هاتبيع عربيات هاتبيع ترمس مفيش عربيه مافيهاش عيوب مهما كان سعرها
انا مش معايا العربية اقسم بالله ولا حتي مع حد من معارفي بس اللي انت عملته ف الفيديو ده اهانه لقناتك بالاسلوب الركيك اللي بتهاجم بيه ده مش فيديو محترف ده انت جاي تلمع الجاك و عايز تهبط مبيعات العربيه دي وخلاص
بصراحة انا شايف انك بتحاول تطلع عيوب فى العربية زى بص الفيشة ماشية ازاى و الخامات وحشة دا مبدأيا و التقفيل وحش كمان و تبص اصل لوك المخدع و شكل الكرسى و الكرسة مستعجل فيه و اصل السوفت و حاجات مفيهاش اى كلام فنى او تقنى مع احترامى لرأيك لكن دا مش ريفيو حد بيعرض عربية كعيوب و مميزات و المفروض كنت قلت الخامات الوحشة دى اللى هى ايه انت قلتها عامة جدا
وحضرتك معاك حق انا مبعرضش العربية عيوب ومميزات انا بلحق الناس بالفيديو قبل ما يشتروا العربية دي عشان صعبان عليا فلوسهم تروح فيها وراجع جروب الملاك ع الفيس والله هيصعبوا عليك بيقابلوا مشاكل غريييبة
والله يافندم انا شفت العربية وقسما بالله جديدة زيرو وقابلني فيها مشاكل غريبة انا مش بفتري على حاجه وبعدين لو حضرتك شفت الفيديو هتلاقيني بردو قلت ان ان دي مشاكل فردية وان مش لازم تحصل مع ناس كتير وان في ناس كتير هيلاقوا العربية ماشيه معاهم من غير اي مشاكل ويارب تفضل كده وربنا يباركلك فيها
