ابلغ كلام في وصف النرجسي كلام رب العالمين (اجمل حلقة ممكن تسمعيها وتفرحك) 

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ابلغ كلام في وصف النرجسي كلام رب النرجسي (اجمل حلقة ممكن تسمعيها وتفرحك)
حقيقة النرجسي اللي غايبة عن معظمنا واللي الناس بتدافع عنهم مش عارفينها
وَإِذَا رَأَيْتَهُمْ تُعْجِبُكَ أَجْسَامُهُمْ ۖ وَإِن يَقُولُوا تَسْمَعْ لِقَوْلِهِمْ ۖ كَأَنَّهُمْ خُشُبٌ مُّسَنَّدَةٌ ۖ يَحْسَبُونَ كُلَّ صَيْحَةٍ عَلَيْهِمْ ۚ هُمُ الْعَدُوُّ فَاحْذَرْهُمْ ۚ قَاتَلَهُمُ اللَّهُ ۖ أَنَّىٰ يُؤْفَكُونَ
شرح عجيب ووصف بليغ مستحيل حد يقوله ولا كتب علم النفس ولا فرويد ولا مخلوق مفيش غير رب العباد هو اللي يقدر يعرف اللي بداخل القلوب فهو القدير القادر على وصفهم بهذه الدقة
ضوفوا ربنا بيقول عليهم ايه وشوفوا الاية دي مرينا عليها كام مرة واحنا بنقرأ القرآن ونعيد ونختم واحنا تايهيين ولا مركزين وفجأة تلاقي الاية ادامك بمعانيها وكأنها نورت ودة لان ربنا شاء انك تفهمها وانك تعرف حاجة لان دة وقتها ، شوفو ربنا بيقول ايه ع المنافقين وتعالوا كل واحدة تطبقها ع النرجسي اللي معاه وتكتب لنا في التعليقات التطبيق بتاعها ومن هنا حتقدري تتأكدي اذا زوجك نرجسي ولا لا فعلا فعلا ، شوفي حنمسك الاية جزء جزء من تفسير القرطبي مش انا اللي حفسر تأدبا مع اهل العلم ولكل تخصصه ، قال لك ايه بقى في تفسير القرطبي؟
اذا رأيتهم تعجبك اجسامهم يعني تعجبك هيئاتهم ومناظرهم شوفوا بقى عظمة كلام الله اللي دلوقتي بيقولوه في كتب علم النفس بيقول لك من اول علامات النرجسي انه له جاذبية ساحرة ورونق وجسم رياضي وملبس انيق واهتمام فائق بالمظهر ويقف ادام المراية ساعة ويروح الجيم ويتصابى و..... ربنا قالها في اربع كلمات واذا رأيتهم تعجبك اجسامهم اختصار اعجازي ، طيب وان يقولوا تسمع لقولهم ، يعني ايه يعني لما يتكلموا تسمع لهم لان كلامهم حلو ،ابن عباس بيقول عن كبير المنافقين عبد الله بن ابي بن سلول انه كان وسيما جسيما صبيحا ذلق اللسان فإذا قال سمع النبي صلى الله عليه وسلم مقالته ، فربنا وصف المنافقين بتمام الصورة وحسن الابانة ، يعني جمال الشكل وفصاحة اللسان ، ودة مين فيكم ماشافهوش مع النرجسي منين مايروح الناس حاسداكي على جماله الا قلة منهم ومنين مايقعد يتكلم ولا حكيم زمانه وهو من جوة يعلم الله ، اما بقى كأنهم خشب مسندة قال لك ايه بقى اختلف التفسير فيها البعض قال انهم من حسنهم شكلا اجسامهم ممشوقة كالخشب ولكن مايقدروش يقفوا وصمدوا بدون مايتم اسنادهم مسنودين على حائط شايفين الاعجاز في الوصف ، لوح خشب جميل ممشوق لكن مستحيل يقف لوحده لازم يتسند لازم حد سانده او حينبطح ع الأرض وتفسير تاني قال انهم زي لوح الخشب اللي تآكل من الداخل فمسنود بغيره ولا يعلم بما في داخله غير الله والتفسيرين منطبقين ع النرجسي هو فعلا شكل جميل لكن هاتي لي نرجسي مش راكن على حد هاتوا لي نرجسي نجح في الحياة وحقق ثروة بنفسه من غير مايمص دم حد بداية من امه مرورا بزوجته وحبيباته ونهاية باولاده ، هاتوا لي نرجسي قدر يقف ويصلب طوله ويسند نفسه بدون ضحية يمتص طاقتها ويسرق افكارها ويسرق فلوسها ويسرق عمرها ويرمي عليها مسئولياته وياخد فلوس من أهلها ، المهم انه مستحيل يكون غير مستد ودة قول الله تعالى فاذا كنتي شايفاه نجح بنفسه فانتي مش فاهمة صح وفيه حاجة مخفية عنك انتي مش عارفاها .
اسمعي بقى الحتة اللي جاية دي ، يحسبون كل صيحة عليهم ،يعني ايه في الاية التفسير على حسب الوضع القائم وقتها ، بيقول المفسر انه اذا نادى منادي في العسكر ان انفلتت دابة يعني دابة هربت ظنوا انهم المرادون لما في قلوبهم من الرعب ، يعني ايه الكلام دة ؟ ودة ايه علاقته بالنرجسي ؟ دة هو دة النرجسي بعينه ، هو الأول معنى كلام المفسر ان لما يكونوا في غزوة والمنافقين خرجوا مع جيش المسلمين فلو حصل وهربت دابة جمل او حصان والمنادي نده في العساكر والناس ان فيه دابة هربت او ناقص دابة كله يدور ويلحق ويشوفها في مكانه فالمنافقون يظنون ان الكلام عنهم كل واحد منهم يظن انه انكشف وان الرسول عرف انه منافق لانهم طول الوقت خايفين ربنا ينزل فيهم قرآن يخبر النبي عليه الصلاة والسلام عنهم فكل واي صيحة يفتكروها عنهم ، دة ايه علاقته بالنرجسي؟ في علم النفس بيسموها حساس للنقد اللي هو انتي بتقولي له ايدك مش نضيفة يقول لك بتشتميني او قصدك اني بسرق او عايزة تقولي اني مش نضيف او انتي مش بتبطلي اتهامات ،يهيج ويميج وكأنك شتمتيه بالاب والام ، ولو قاعد في قعدة وحد أتكلم عن الأزواج المستغلين او انتي حتى اتكلمتي عن زوج صاحبتك اللي جاب لها هدية حلوة في عيد ميلادها يقول لك وانا مش بجيب لك طب انت حد جاب سيرتك ، دة بقى ياستي يحسبون كل صيحة عليهم
وحسن ختام الاية عشان الحالات اللي بتيجي تقول لي بخاف أكون انا اللي وحشة أخاف أكون ظالماه ربنا قال ايه هم العدو فاحذرهم قاتلهم الله انى يؤفكون
احذرهم يعني احذر ان تثق في قولهم او تميل الى كلامهم ، احذروهم ياقرود ياطائرة لانكم اذا ميلتم لكلامهم حتظلموا الضحية زي ماهو ظلمها وانتي كمان احذريه لانه ممكن ياخدك معاه جهنم والعياذ بالله اذا اطعتيه في معصية احذريه لانه حيضيع عمرك احذريه هو العدو فاحذريه ، وقاتلهم الله مش محتاجة تفسير ويؤفكون يعني يكذبون ويحيدون عن الحق فاتطمني ربنا مقاتله اذا بعدتي عنه ولجأتي لله ، اذا صرفتي قلبك عنه ووجهتيه لله اذا وقفتي توكل عليه وتوكلتي على الله ربنا حيقاتله بدالك بس انتي اصدقي القول والنية والعمل وانتي تشوفي
الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي ة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء#ازواج #زوجات #اسرة